好久不見

真係覺得Facebook係一個好偉大既發明, 令我可以係好短時間搵到失去聯絡多時既小學同學! 呢個Weekend去咗個小學Friend既屋企燒野食同聚舊, 個個都變晒! 唔經唔覺小學畢業都有成16年, 雖然以前好Friend既感覺無晒, 不過都好珍惜呢一種友誼同相處. 畢竟大家相識既時候都係最純真既年紀! 雖然所有人都投身唔同行業, 有人做會計, 印刷, 飲食, 零售, 酒店同Admins等等. 不過最Surprise係連游水教練同走水貨都有! 呢次短短6個鐘既BBQ活動, 感覺好似回到讀書時一樣, 非常舒服!

今次見番佢地, 令我更加覺得自己原來真係好幸運, 可以成22歲先投身社會. 因為佢地大部份都係未夠20歲已經開始工作! 真係要多謝我偉大既母親大人, 係我最迷失既時候送我去外國讀書, 令我學會獨立同搵到一條合適自己既路! 4年留學生涯足以改變我既人生. 非常感激我屋企人既支持同照顧!

愛在通脹蔓延時

經濟唔好, 市道低迷. 我寧願比貴D去消費, 都好過呢D咁既賤物鬥窮人市況! 都唔知下年點算?

呢2個幾月洗錢洗到得人驚, 要將Credit Cards放係屋企直到出年農曆年先得. 開始要諗清諗楚先洗一分一毫, 我相信咁既日子都應該至少起碼維持一年! 所以我而家好懷念通脹, 懷念魚翅撈飯既光輝歲月...

收藏

終於儲齊晒啦! 成個禮拜沉迷於Circle K便利店既Mario襟章, 不過唔洗一個禮拜就已經了咗一件心事, 感覺真爽! 講開又講, 我自己好小可儲呢D小玩意, 都唔知點解會一見傾心? 可能係Mario既關係, 應該同Bling Bling無關~

呢兩個月真係洗咗好多錢呀, 夠買成手匯豐啦, 真係要停, 唔可以再狂買衫. 真係要下決心完成今年既最後心願, 咁下年就會安心好多架啦! 下年一定要起死肥野飛腳!