感情用事

之前一直無留意過既一首歌, 因為我覺得呢款唱腔好Old Fashion. 但聽真D同讀過歌詞之後, 發現呢首歌原來係好有意思呢! 買咗張敬軒最新既Best Of The Best "My 1st Collection", 令我更加期待佢既個人演唱會. 佢真係唱得好好, 係有時唱Live造作咗D! 請大家留意下以下歌詞:

俗世紛爭非議 存在太多怪事 與你相愛誰人勝出根本不要知
面對每天失意 問我生存意義 奉獻所有分享一輩子
穿梭的女子 統統不要知 只對你堅守意志
簡單的戒指 亦存在意義 習慣跟你無聲暗示
鬧市內風光轉眼變異 分開真的太易
殘酷世界盡處 為你演說動人故事

花一生只想講愛情 貧窮尚且溫馨 都可使我高興
明日怎麼運程 仍能互相的適應 俗世花開 與你做證

現況更多感慨 流浪遠方塞外 與你相處平凡晚餐 都不需要餐檯
自幼太多比賽 遇上一時障礙 有你的愛都一一化開
不稀罕富翁 負荷比較重 擁抱你都不怕凍
飛不出太空 就留在礦洞 為你開發餘生美夢
鬧市內很多驚世駭俗 即使多麼哄動
平靜裡對著你 讓我只對愛情信奉

當古蹟消逝亦無聲 難留住的天星 只得戀愛保證
明日怎麼運程 仍能互相的適應 俗世花開 與你做證

花一生只想講愛情 貧窮尚且溫馨 都可使我高興
明日怎麼運程 仍能互相的適應
面對爭執 動盪暴亂只有愛可保證

別要管古蹟消逝亦無聲 曾留下的溫馨 記憶總有你保證
明日幾多壞事情 仍然是不枉曾經見證
謠言推測世界有疫症 在你身邊去也高興

彎彎的月亮 x 順流逆流 x 快樂到天亮

夜色無邊的聖誕當晚, 在地上看見彎彎月亮的倒影. 再望上天上, 完全看不見月亮的蹤跡, 感覺有一點奇怪! 與些同時, 有朋自土瓜灣方來我家竹戰, 看著一位女性友人水流不穩, 順逆流動, 時快時慢. 好像大災難將致一般, 蔚為奇觀! 如此這樣, 我們快樂地竹戰到天亮. 土瓜灣土匪手持三百多個大洋回歸途中, 到九龍城吃過早餐便倦鳥知返, 衣錦榮歸. 為今年的聖誕節劃上完美的句號!

Single Christmas x 面具

Single Christmas唔一定係Lonely, 只要你有煙有酒有朋友就可以好玩過Wii Fit萬九幾倍啦! 琴晚平安夜開咗個勁High既面具聖誕派對, 有好可愛既鹹蛋超人, 巴斯光年, Incredible爸爸同好多紫醉金迷女郎等等... 又有人性盡現既GTA版交換禮物環節, 加上男女比例出奇地非常之好. 相信每一位一定盡興而回, 爛市價$350平安夜小費, 一個字 - 抵!

依當晚所見, 被釋放出來既真性情多不勝數, 成晚話Desperate既J小姐居然係酒精既薰陶下話自己係出黎行, 攪笑到爆! 豪情版S小姐猜得飲得又歌精舞勁, 男友當堂化身小鳥依人, 場面好不溫馨! 所以話, 氣氛係幾咁緊要! 不過聖誕節係咁架啦, 開心就All Right啦! 真係好耐都無試過玩得咁開心, 見到個個都好投入, 唔識都可以玩得好放, 呢D先叫做Party! 唯獨係皇上唔知點解對手淨係得Freeze既熱賣大碟? 叫佢猜皇帝又唔肯, 不過都真係開朗咗好多, 咁尊貴既龍軀都肯與民同樂, 真係要同佢講聲萬歲萬歲萬萬歲! 唯一美中不足係D酒無乜料到, 不過都Nature High全晚. Last Night Was An Incredible Christmas Eve!

聖誕結

又到聖誕, 又到聖誕! 唔經唔覺又一年, 時間真係過得好快... 今年收到幾份聖誕禮物, 有衫又有一條聖誕特別版底褲, 勁開心同鍾意. 多謝晒送呢份咁貼身既禮物畀我既人! 今日買咗舊屎, Post畀大家睇下先, 我亞媽勁鍾意, 重將佢拖咗入房呀! 真無奈, 佢話當聖誕禮物呀, 收咗幾份都重話係聖誕禮物... 今晚將會去一個"He Lum"聖誕派對, 我要Keep呢個心情參加, 一定要盡興而回! 祝大家聖誕快樂, Merry Christmas!

固執

點解永遠都係自以為事, 一成不變同唔理別人既感受? 成日用自己把尺去度人, 唔怪得咁多人話妳難相處! 呢個世界唔係因為妳而轉, 妳唔明唔緊要. 但唔好逼人行妳果一套! 妳見識多反而不斷退步, 真係一個天大既笑話! 有本事妳呢一世都唔好求人做嘢, 重唔醒妳老咗就知!

安靜

你不在的日子特別寧靜, 很不習慣. 從今以後再看不到早上的你跟隨Celia外出散步和待在廚房吃麵包, 與及晚上的你興奮地迎接我們每一位歸家. 這些年來每日如是, 從前感覺微不足道, 現在最叫人懷念! 你教我學懂珍惜, 明白生命的意義不只是長短, 而是回憶的多少! 你為我們這十個年頭添上無限色彩; 真的想告訴你, 你的離開絕不是生命的句號, 因為你將會永遠活在我們心裡!

十年

(1996 - 2007) 十年時間, 你帶給我們無限歡樂及很多美好回憶. 與你相處的十個年頭裡, 我們愉快非常, 希望你與我們有同樣的感覺. 能遇上你是一件開心事, 知道你離開了我們是一件痛苦的事. 但我們希望你去到別的世界會得到解脫及安慰! 生命本是無常, 相遇到別離, 從不會給予我們預告但總有期限, 捨不得還是要放手. 離開是為了重遇, 或許, 有一天我們會再次遇上?

小心天氣

呢幾個禮拜既天氣都好飄忽, 時凍時熱. 大家要小心天氣呀! 今次呢個Topic既歌名係黎自許志安十年前既一張大碟"飛得起"其中一首歌! 真係唔經唔覺呀!

十年前既聖誕節會好凍, 而家既聖誕就忽冷忽熱, 好多時夏天衫都Ok. 唔怪得近期咁多人講環保! 再過多十年香港可能已經無冬天啦?

打回原形

長達兩天既翻天覆地大清洗, 終於從廢墟中甦醒過來. 形態上絲毫不變, 但感覺煥然一新! 就是次大翻新, 將多年唔捨得掉去的舊東西及一些陳舊回憶一次過殺掉. 非常之痛快! 只是比新一年大掃除早了兩個多月, 估唔到自己真係可以將保留多年及非常有記念價值既東西全部掉晒, 重要一D唔捨得既感覺都無! 呢個送舊迎新既環節, 最開心既一定係賓籍亞姐, 佢見到D舊衫褲雙眼就發晒光, 重同我講會派街坊. 真係頂佢唔順!

沙塵滾滾

今個星期屋企大裝修, 好難受! 原本裝修係一件好事, 不過家中既一位日日坐住個腦做人既賓藉亞姐. 單係呢件嘢足以令我心驚膽跳. 再加上我間房屬今次重建既重災區, 更令我食唔安同坐唔落! 點算? 單係換地板已經可以令我成張床都係塵, 而亞姐可以當乜事都睇唔到! 我話佢重"希"我面添. 一個字 - 勁!

運動太好

琴日買咗全城至Hit既Wii Fit返屋企, 多得老媽子同傻琦既慷慨解囊至可以成就一家人集體做運動. 多晒!

除此之外, 琴晚亦出席咗兩場熱鬧既生日派對, 一個係至尊敬既婆婆既八十多歲壽宴, 祝佢老人家身體健康同每一天都快快樂樂! 而另一個係老死富富二十有九既牛一勁飲派對, 氣氛幾好, 不過非常可惜既係睇唔到傳聞極富娛樂性既精彩歌舞表演 - "愛無赦". 可能勞獄G師奶琴晚逼得富富太緊, 所以被逼取消歌舞表演呢個環節! 重有就係不得不題既"大話十五二十"事件, 由老翻Peony親手發明既"大話十五二十"真係一D都唔講得笑, 連皇帝都頂唔順即時駕崩, 成為城中一時佳話!

愛別等

即刻要... 唔係, 係我而家即刻要, 唔理生物定死物. 總之我要得到既嘢就一定係即刻要! 遇神殺神, 遇佛殺佛~ 不惜一切, 乜都肯濟, 出賣靈魂都無計. 你睇我幾進取!

一刻永恆

好快2007年就會變成過去式, 成為歷史既一部份. 呢一年眼界開咗好多, 可能找到自己想找既路, 無以前咁迷茫, 呢條路行幾耐我自己都唔知? 不過個過程真係好愉快! 還記得離開山頂嗰一刻自己都有少少唔捨得, 但事實証明我沒有錯失什麼, 反而得到既更多. 係呢個過程入面, 學懂何謂真開心, 還記得Lori同我講過一句說話"對人要用心, 對事要用腦". Apply落所有事情都Work, 一生受用! 凡事只要用平常心面對, 便會有出乎意外既結果. 好像當初去澳洲讀書一樣, 對自己零期望, 但事實告訴我, 自己得到既比預期付出的多數倍. 畢業那一刻我相信呢一輩子都唔會忘記! 當中既過程有很多都好窩心, 相信自己都應該是一位很幸運既人! 下一年既11月, 便是10年前自己初次長時間離開香港既日子. 應該要記念一番, 因為那一刻是我不會忘記的一個Moment, 真係唔需要相片腦海裡都會永遠記得那一天既每個片段. 相信一刻既永恆指的應該是每個人既重要里程碑!

Mr. Children

李克勤新碟既一首歌, 好頂癮, 好似每個人都總會有一樣似的. 好反映到而家既香港! 大家留意下D抵死歌詞再去反省一下啦!

誰可改變

所謂江山易改, 品性難移. 呢句話真係無錯! 人既本質真係點都唔會完全改變, 特別係呢一輩溫室長大既小朋友. 無辦法去改變佢地, 就為有調節自己去溶入佢地同呢個社會. 就係咁簡單! Less Is More!

未來的未來

只要有夢想, 凡事皆可能! 未來發生的事從不會有預告, 要來便來. 人生最有趣的便是如此! 只是看你如何面對將來. 從前總有時候會懷疑自己的決定是對或是錯? 現在發現人生交會點多的是, 決定了就唔好再去想, 雙腳只往前走, 不走回頭路了! 只有這樣, 人生才會有所改變. 每一天便是要作好準備為下一天而努力, 為將來打算, MPF及保險便是由此理念而滋生出來. 簡簡單單的一個道理, 點解重會有人唔明解? 是否現今社會有太多現代化? 或是我們呢一代真係太幸福, 家庭實在太溫暖, 我們便越來越後知後覺? 性格改變命運便是如此! 希望我身邊既人明白呢!

約定

之前實在太忙, 差點忘記了妳的生日. 約定妳, 等妳忙完Assignment之後, 補番妳既生日大餐. Promise, 唔好放我飛機呀!

酷愛

恆久的奢華與品味代名詞 - Nokia 8800 Arte

繼上回月神8600令我一眼驚喜及驚艷傾心之後, Nokia再下一城推出最新8系型號8800 Arte. 試圖將我的新年大計破滅! 8800 Arte外型上採用金屬與玻璃混合物料, 氣派十足. 再在功能上全面解放支援3G連線同時內置1G記憶體及320萬像素自動對焦相機. 加上極至囂張的翻面靜音功能, 官方解說話係一個極方便的設計, 只要將手機面向下放, 就會自動切換到靜音模式, 而不需要自己切換情境模式. 一聽到已經想大大聲向Nokia講聲"What's A Great Discovery!" 其實又真係幾襯我, I Really Like It!

愛回家

呢期幾鍾意留守家中, 無事無幹都唔太想出街. 以前週未同放假就好似有蟲咬一樣, 總係要出去走走同一大班朋友一齊先叫做充實. 相信我自己呢一年心態上一定成長咗好多, 而家就算一個人係屋企都唔會覺得好悶, 反而覺得同屋企人相處時間同溝通多D先最開心. 好珍惜同屋企人一齊既相處時間!

不能說的秘密

經多位朋友推介引誘下, 終於睇咗"不能說的。秘密". 四個字:喜出望外! 周杰倫做番自己其實已經可以搬上銀幕. 穿越時空遇上妳夠浪漫, 加上老土到爆絕症女主角, 再配合周董起家拿手好戲. 觀眾無乜可能會唔受!

以戲論戲, 以周杰倫第一次自已編導演, 合格有餘. 配樂係成套電影既精髓, 拍攝手法帶幾分MV既味道, 故事尚算合情合理. 那一首"蒲公英的約定"配樂, 一聽立即愛上! 個人認為弦樂比試那一幕係電影高潮位, 那一個周杰倫一點都不做作, 才華橫溢. 可恨我兒時無心戀上鋼琴! "不能說的。秘密"比我預期高出多倍回報, 值得一睇!

題外話, 終於完成排山倒海式既Events啦! 可以Slow Down兩個多禮拜, 整理一下私人時間, 做番一D自己想做既事. 近期比較Update既事, 係買咗新電話 - Nokia既N81. 幾鍾意佢既外形, 合理價錢, 正!

十年後的你

相識應該幾近十年, 這一秒, 你們好不好? 相信內外都應該有幾分不同, 是嗎? 真記不起十年前我自己的模樣, 還是我不願回想十年前的自己? 哈哈... 在回憶的公路上似的, 該想的不想, 不該想的偏去想. 老毛病又回來了! 為自己走過的路舉杯, 為自己作過的事高歌. 快樂不快樂? 是有選擇的! 我覺得快樂係我身上... 係一個動詞... 五年之後, 都一樣會咁開心. 你值得擁有!

演唱會

原本只係幫朋友訂Eason演唱會, 自己並無打算去睇. 但係佢地睇完之後勁話正, 又話D位靚. 令到我自己都有D對呢個Concert興趣大增. 可能期望太大, 我覺得並唔係佢地講到咁正...

無可否認, Eason既唱功真係一流, 跳舞都喜出望外. 但做乜事咁多慢歌? 個Arrangement好似有D問題, 成個演唱會Concept好似唔太統一. 令到成個氣氛差咗DD! 不過, 佢唱咗好多無Plug過既滄海遺珠, 好似不如不見, 信心花舍同粵話殘片等等... Eason作為一個主流歌手, 佢真係幾平衡到商業與自我喜好. Plug同唔Plug都好, 一樣咁有味道, 呢樣係佢最令人回味既地方. 相信呢一點亦係佢成功原因之一!

星期五檔案

琴晚既節目精彩到好似要向上個月既辛苦致敬咁! 放工第一站係到陳奕迅演唱會既物理治療, 雙手揮動數百次, 療程需時兩個半鐘. 再轉介到銅鑼灣皇室堡加州紅Red Box, 進行心理與藥物治療. 三支Lucky加三支嘉士伯再與其他病人吐苦水一個多小時之後, 落嘉雀會花了三個多小時, 排了四個圈, 付百五大元醫藥費. 一個午夜急診之後, 望一望時間已差不多五時. 回家以為屋企人已熟睡如豬, 估唔到傻琦以為萬聖節有成個禮拜咁長, 以幽靈一般既姿態無聲無息地係我既睡房出現. 都唔知佢點解問我重唔瞓呢個問題? So Many Wrong In So Many Level!

灰飛煙滅

重有兩日就可以鬆一口氣啦, 雖然重有九號既特首約會. 但心理上同精神上都會感覺好些! 呢個十月真係黑暗中渡過, 好似完全與外界隔絕一樣, 私人時間近乎零! 將小宇宙燃燒到極限, 生命既火焰亦都會灰飛煙滅, 從此消失於這世上. 好比天上的星星一樣, 美得淒涼! 點都好, 時間係唔會停, 一切都將會有完結既一刻. 一雞死, 一雞鳴! 工作時工作, 快樂時快樂, 一於Work Hard, Play Hard便是我的生存之道. 舒服? 唔恨得咁多!

貝殼

側田的一首新歌, 令我引起一絲共鳴. 仿似是描述我生命中的一小段路, 正正是六歲前後的片段......

未夠六歲嗎 炎熱長假 頑劣時被母親哭著罵
父親 正喝著茶 瞄漫畫

是我做錯嗎 還未能化 還在懷念逝去的仲夏
幸福 短得可怕 回頭已 消失風化

當 情況不可忍受 立過誓約都有限期
那天起 父母簽紙仳離 誰又有 說句對不起

當我過活像箭靶 當我變做大笑話
願意不惜犧牲去庇護 誰也都未及父母吧
兒女躺於貝殼內任雨打 不會怕遇上險詐
父母分開這一個缺憾 如若貝殼裂開 要獨自捱打

恨也恨夠嗎 無謂評價 明白誰亦試過遷就吧
或者 單槍匹馬 才能夠 美麗似畫

傷 藏到身軀之後 還是會累到筋竭力疲
痛不死 難過感非專利 人大了 勉強學會歡呼

當我過活像箭靶 當我變做大笑話
願意不惜犧牲去庇護 誰也都未及父母吧
兒女躺於貝殼內任雨打 不會怕遇上險詐
讓某天找到終老對象 承諾每晚與子女快樂玩耍
結婚不只吻一下

瑪利奧派對

期待已久既瑪利奧最新動作冒險遊戲 - Super Mario Galaxy重有個多禮拜就見街啦! 淨係睇Trailer已經感覺興奮同好好玩, 加上任天堂係品質保證, 期待度十粒星! 話時話, 都好耐無買過Wii既新Game, 除咗Mario之外, 年尾隻Wii Fit都應該唔會放過. 諗諗下要即刻儲錢先得啦! 快D過三十號啦, 過咗就成個人都會開心晒, 等我可以投入瑪利奧既宇宙世界漫遊一番與及重拾多少童真!

兄弟

琴晚同傻琦同老表一齊去睇'兄弟', 佢哋話呢套戲應該要同兄弟睇先啱, 好似有少少Point之下就睇咗! 睇完覺得套戲好悶同低能, 個故事完全無說服力, 劉華既One Dog Face真係好難頂, 我覺得呢套嘢唔止爛, 重應該要列入2007年十大最應界櫈電影之一! 偉仔唔拍其實係好明智既事, 一D都唔出奇! 事關Eason既角色真係完全唔討好, 重有少少白痴. 露下蛋蛋重可以叫做係藝術, 同劉華一齊拍所謂'兄弟'唔慌唔比人叫契弟. 除咗三哥個角色好少少, 其餘既所謂'兄弟'求其換D濕星都可以做得好百倍. 講到尾, 呢套戲取命'兄弟'係劉華對其餘五虎將成員最高既至敬, 深層意義其實係佢當兄弟係傻仔同契弟先至真, 除咗藝術片王朝偉之外! 契哥宣佈:2007年度最受歡迎爛片係......兄弟!

我的天

休息...工作...再工作... 十月已過三份一啦! 快D過啦十月, 好憎你呀! 呢期我自己都做到麻木晒, 已經唔知乜嘢為之好, 乜嘢叫做唔好~ 莫講話原則同堅持, 已經通通無晒! Bye Bye啦! 好想好想十一月逃離香港呢片樂土, 放一個陽光與海灘既假期. 同記者暫別一會! 人唔叉電會死, 呢個道理大家應該都知架! 我唔要我既一片天空係灰色...Hahaha..Ha..冰冷空Click...Hahaha...Ha...但現在心中只有灰色...

與神對話

想死........ 每一天都好似活係地獄似的. 重可以支持到呢一刻既唯一動力只有一個同事, 佢真係一個好值得尊重既人, 教咗我好多嘢亦忍受咗我好多任性. 唔知道點先可以幫番佢? 呢個十月相信都會不見天日, 十月既人工低個麥當勞已經係一個事實! 嗰個不知所謂既神唔好再害人好唔好? 我唔想再與神對話呀, 我只不過係一個普通人, 唔想再活係一個權力鬥爭既神話時代入面呀. 什麼八提, 金神, 沙冰呀~ 唔該唔好再成隻冤鬼咁不停係我身邊徘徊好唔好, 真係好難頂呀~ 知唔知時代變咗好多啦, 要與時並進先啱, 唔係咁做嘢架, 知唔知呀~ 唔知就問下人啦, 呢個世界除咗你哋以外重有好多人架, 醒覺啦唔該~

註定

命裡有時終須有, 命裡無時莫強求... 有人話性格改變命運, 幾認同! 出現問題時永遠唔去自我反省同探討一下便將問題推向別人處, 無進步是也! 盲點人人都有, 盲目樂觀或過份悲觀都唔係一件好事. 沒有事係放唔低, 錯了, 反醒過便算, 擔心太多有時真係多餘!

際遇呢樣嘢有時真係好似係命中註定, 萬物好似沒有時限地離離合合, 要來便來, 要走便走. 要留都留唔住, 習慣了便唔再覺得係乜嘢一回事! 自己有好強烈既同感, 要走既, 就算留得一時都留唔到一世. 過咗去, 回味既只有甜味. 極懂得放手之能事! 相聚到分開, 一切一切都唔受控制, 一個人既能力有限, 就讓一切隨風去吧!

舊日回憶的山丘

重回舊地, 感覺依舊但人面全非. 大圍其實無乜點變, 我以前經常去既文具同玩具舖, 遊戲機中心, 屋企樓下既酒樓同轉角既糖水舖. 感覺一D都唔陌生, 真係好懷念以前幸福既日子!

還記得以前經常去那一所玩具舖"浦"重有同亞爸一齊流連機舖打Final Fight既日子. 好似係琴日發生既事一樣, 記憶好深, 但呢一刻已經不能回頭. 呢種感覺就係回憶既點滴, 永遠叫人窩心! 回憶總是跳躍的, 每一個階段都有唔同既事值得回味. 但再來一次, 反而會影響咗呢種咁值得回味既感覺. 來到今天, 不斷成長是快樂的泉源, 就讓快樂的回憶永遠藏在內心深處. 中秋節快樂呀各位!

無需要太多

朋友唔需要多, 身外物亦唔要多, 錢更加亦唔需要太多. 好多事物只是過眼雲煙, 夠用就算啦! 好化? 都唔算! 呢期發覺自己大洗咗好多, 好多嘢都想買, 買完之後又唔太鍾意或覺得無乜用! 有少少精神病, 要學下三思而後行同做個精明既消費者先得!

呢期真係好辛苦, 好想好想出走香港Relax叉下電. 我絕對唔容許私生活同工作掛鉤! 未變身既Power Ranger都要Eat同Sleep架Hello~ 唔好當真係有外星怪獸先得架~ Save Me~~~ 超星神~~~

病況

琴日舊病又復發, 之前都有預兆就係耳仔發炎. 可能呢排身邊有太多人病啦! 喉嚨發炎加發燒成為我供養王醫生既指定動作. 每次都比同款藥我食. 好似水費一樣每三個月一次, 多謝$220, 灰!

呢排真係好多好多嘢做, 加上有朋自遠方歸來, 忙上加忙! 洗錢又多咗, 差不多去到失控既境地. 要再好好控制下Budget, 一定要係農曆新年前達到Target先得! 加油, 努力, 加油, 努力! 近排係唔洗返工既日子真係盡量唔想用腦(其實本身已經無乜), 我要化身為恐龍戰隊既其中一員, Go! Go! Power Ranger~~ 一定要減壓, 減壓, 再減壓!

大得太快

不經不覺表弟已經三歲, D時間快到你唔信! 星期日佢重約咗成班朋友仔開生日派對, 所以今日放假打算出去買份禮物比佢. 上年送咗個馬桶比佢學去洗手間, 今年都唔知買乜比佢好?

成日聽D長輩講我細個既事, 又話唔覺唔覺已經咁大個. 有時真係覺得好老土! 好老生常談, 人生便是如此, 過來人身份既說話永遠都比較有說服力. 回首一望, 過去已經過去, 能回味既記憶, 好像總離不開人與人之間既點滴. 人唔應該太計較得失, 故此要學會珍惜家人!

前程錦繡

唔知點解今日心情好好, 可能剪咗個新髮型. 呢個髮型好特別, 特別之處不在於個髮型好唔好睇, 而係由一個我識咗好耐既朋友幫我剪. 出乎我意料之外, 比我預期好好多. 原來當一個人搵到自己想走既路, 好多先前既缺點都可以無晒! 從我既新髮型見到有好朋友既自信同心機, 所以我覺得好好睇!

其實呢個世界真係你睇人好, 人睇你好. 唔知點解, 永遠總覺得別人好幸福同快樂, 比自己好. 或者我既朋友先覺得我幸福同快樂? 可能呢種諗法先會令人不斷進步同成長! 所以要知道自己既能力同位置, 機會先會出現. 知足便快樂! 呢個髮型令我悟出一絲新思維!

賞心樂事

每個人既快樂方式都唔同, 我鍾意導人買嘢! 哈哈~~ 近期可能真係有壓力, 導致自己諗嘢都有少少負面, 不過自己都懂得用唔同方式去減壓. 其一係盡可能係不用上班既週未游水, 而唔會好似以前咁買醉到天亮. 其二係買一D自己以前一直唔捨得買既嘢重有就係利用我既Sale屎腔引導別人購物都唔錯. 令別人買一D佢又鍾意我又OK既嘢, 幫到人又可以令自己開心, 何樂而不為? 一D都無變態成份! 以下是琴晚一個發生係旺角既個案:-

K君通知我輕咗同薄咗既PSP行貨經已推出, 我就二話不說便到至愛既百記購買與及自動幫K君掃多一部. 深信人多好辦事, 便急Call咗S君到百記見見面, 順便了咗佢想咗好耐既換電話心願. 再Call亞媽遙距購物, 得咗! 短短半小時內, 三個人以唔同型式令四個人有開心既感覺. 確實是一件非常之美滿既賞心樂事. 無視歧視記者陌生人報告完畢!

睡王子

呢排真係好累, 每日只係工作工作同工作. 個腦完全無休息既時候! 工作唔算好辛苦但真係極之困身, 好似無晒私人時間一樣, 相信呢種日子會維持到年尾. 如果可以比一日我化身睡王子, 無電話, 無MSN同無SMS, 能夠與世隔絕就Perfect. 其實每日同唔識既人扮Friends真係好辛苦, 自問自己都算健談, 但每日都要將面具掛上, 難受既感覺總會有一刻在腦內閃過. 唯有見步行步, 盡量在工作中找一些快樂. 呢種想法不是化, 而是逼不得已地令自己盡可能在苦中找快樂. 深深地體會香港打工仔既苦況同開始共鳴起來! 快樂老實人唔易做呀~

別讓我喝太多

琴晚去咗朋友既小型生日派對, 除咗主角之外, 有好多人我都唔識. 係$250任飲之下, 我又出咗事啦! 我諗我以後都唔敢飲一杯叫Nothing既酒, 真係好難頂. 佢同其他酒產生既化學作用真係好大, 會令我動彈不得, 萬試萬靈! 不過, 認識咗好幾個新相識都算有少少收穫啦! 近排唔知點解, 自己唔太想飲酒既時候, 反而特別多朋友叫我去飲. 以前唔覺得好酒既人都會Call我出去飲, 好邪咁!

藍色風暴

今日掛咗三年來第一次既八號風球, 還記得對上一次既T8我重係尖沙咀返緊工, 係Lunch前已經掛咗. 之後重上咗個Friend屋企打牌, 夜晚重去咗打保齡球添. 諗番都覺得好開心! 但今日就無咁精采, 選擇即刻返屋企. 事關一來個人好累, 二來見到中環既巴士站同地鐵站, D人多到好似睇緊未日救未來咁, 有D重一路逼一路用電話係度拍. 見到都火起, 重邊有Mood想係條街同人逼! 真係唔敢想像, 如果有一日香港陸沉既時候, D人會癲成點呢?

至理名言

琴日同好朋友MSN既時候, 佢講咗句單身的人可以容許自己無Target, 但千萬不可以令自己無Market. 我覺得真係幾啱! 但有時如果人真係有咁堅持既心態, 可能會活得幾辛苦. 何不隨遇而安? 所有人都希望別人永遠見到自己最好既一面, 我明白! 不過係唔開心或不如意既時候, 比朋友開解一下都未賞唔係一件好事, 至少可以將心裡面既不快事吐出來. 有時朋友肯借耳朵比自己已經好足夠, 唔需要計算咁多!

花落誰家

細聽李克勤新歌"花落誰家", 除了環保意識很強以外, 還有都市人的生存之道及現代人的價值觀. 一句"聽說過活只有改變, 變到再沒童話", 不單止是都市環境因規劃而變遷, 還有都市人因外來因素而改變自己去繼續進行日復日的遊戲. 這時, 內心深處那小小的夢想便會隨汗水般排出體外, 待空氣將之淨化. 沒有時間去探討這是喜還是悲, 因"牠一張臉, 已給你記憶風化". 現實便是如此! 怪不得很多人到中年便會不愛香港這小小彈丸之地而渴望往外國生活. 我很希望自己永遠都不會有時間去回想這環境問題, 真的怕得很!

"當櫻花迫於遷於悄靜月球, 天高海闊珍惜不夠. 繽紛煙花閃照過後, 望見層層浮雲漸厚. 開採山丘斬去木頭, 花開花落不可拯救. 儘管擁有, 怕一切變得罕有. 即使擁吻, 怕空氣已不足夠"

自導自戀

星期日買咗人生第一部手提攝錄機, 為計劃好嘅旅行作好了第一步. 好想將開心嘅片段留作紀念, 之前嘅旅行片段只有照片而沒有聲音, 感覺總係不完美及欠完整. 相信如無意外, 呢次計劃好嘅旅程應該會好難忘!

近期有好多怪念頭, 其中一個自己好想去實現嘅就係去遊學. 真係好想單獨一個去感受下外面嘅世界. 不過我相信暫時應該無可能, 或者自由行去別的國家一頭半個月都重可以考慮! 其實好耐都無試過咁不切實際啦, 可能心態已經開始老化, 好想出去呼吸一下新鮮空氣.

呢一篇真係好自言自語Feel, 睇完唔好媽叉我呀~ 熱切期待已計劃好嘅旅程...

找個空間唱歌

生活壓力有時真係好大, 有形又好, 無形都好. 總要學懂去討好自己, 來暫時逃避現實. 何況我只是一個平凡人, 真係無乜理由要將呢個世界放到咁大! Being Yourself Is Happy, 何必要苦了自己, 強行要作出一些改變去討好別人. 做好自己本份已經好足夠啦! 自尋煩惱, 時間都不早啦! 返屋企瞓唔好~ 一於目標為本, 咁就離終點不遠啦! Yeah~~

我可以說不

我想自己真的想得太多擔心喪失, 要暫時忘掉發奮, 可能不憂不傷不急不躁更開心. 自己的決定是對的, 不是要別人認同同肯定. 只要自己開心便可. 預計大多數是意料之外! 我不是要自己去逃避, 而是想盡量令自己懂得釋懷.

從前只會盡量去配合別人, 現在只想與別人取得共識. 有些人說我自以為事, 我想那些人與我亦然, 因此我們才會意見分歧. 從來真覺得不需要感覺自己不及人, 總相信會有人明白我的一切是誠實同認真! 這是自以為事嗎? 在雞蛋裡挑骨頭的話, 應該是的. 但我相信再完美的人都總會有缺點, 何不學會欣賞別人的優, 體諒別人的缺? 每個人都總會有"盲點"的時候. 我相信時間真的可以証明一切!

說"不"亦是表達自己的一種, 只要不過激烈便可將傷害減至最低. 我想我也要向著無常大世界說"不". 向我媽媽學習如何以真身示人, 應該每天都會快樂多一些!

告別校園時

琴日做完一個學校週年晚會之後, 覺得她們對母校之情值一百萬分. 好比是自己的一個家! 向公司請大假和不收分文為母校舉辦週年晚會, 與舊三五知己認真排舞表演及一伙人專誠去度身訂造母校校服出席是次晚會等等... 這些我認為是瘋狂行為, 但她們卻義無反顧地一一表現人前. 真令人佩服萬分!

由幼稚園到大學畢業的六間學校, 沒有一所能稱得上是超級名校! 自問對學校沒有存在太多感情, 但最回味算是大學的校園生活! 如現在要我回母校走一趟, 我諗都會有很多既回憶但就應該沒有很深既感情. 從來自己只會對生物產生感情, 而不是死物或事物上! 真想了解一下名校既文化是否好似宗教一樣咁根深柢固? 呢個係一個"謎"!

對我來講, 學校好像工作既地方, 會同不同既人互相溝通同合作. 在離開既時候感覺依依不捨只因為那裡的人! 因為我深信人應該要不斷向前爭取自己想要既嘢, 在心態上應要習慣同適應改變與別離. 永遠是美好, 但不盡如人意; 夢想是完美, 亦都不切實際. 只有努力朝目標邁進才是實在, 過程當中或多或少會令人有得着. 結果難料, 現實總是出人意表! 學會放手, 人自然過得開心!

十七歲

十年前的我十七歲, 還是傻呼呼呆呆似的. 那時過日子完全沒有目標及方向, 連讀書都沒有主見, 需要家姐幫我選科. 真覺得那時的我很掉臉! 現在整個世界已完全改變了, 時下年青人的偶像係容祖兒, 陳冠希及Twins. 玉女同陽光男孩已經很Outdated, 講要有所謂的Character先有Noice~

不經不覺, 香港都回歸了十年, 親戚都回流香港了. 我亦學會了與時並進, 學習怎樣將自己的思想表達出來. 這就是Character嗎? 不知道, 但我想這是令自己開心同快樂的第一步! 近年來學會堅持, 才明白什麼叫目標, 從而變為一個Result Oriented的人, 不論是個人或工作上亦然! 經歷了多年十字街頭的生活, 亦令我知道自己真正的需要. Let Go And Release, Be Confident!

笑忘書

最近睇緊一本了解自己既書叫"Being Yourself Is Happy!", 它啟發讀者怎樣去了解自己同思考自己想要走的路. 所以我都係時候要Reposition我自己, 學習怎樣成熟去處事同面對困難! 凡事只要問心無愧, 結果不是自己期望的, 也不是什麼的壞事. 做人有期望是一件很正常的事, 但現實有太多意料不到的事情會發生. 我們應該要學懂放手及從錯誤中學習. 鑽牛角尖不能解決問題, 就算要自暴自棄都總要面對自己. 知道自己的位置及學懂自量, 便沒有人會嫌棄自己!

聖鬥士星矢

琴日父親節同老豆飲完茶就入咗十幾年都無去過既赤柱High Tea一番! 覺得嗰度好似完全唔同晒, 靚咗好多! 不過就太過遊客區啦! 可能係山頂吸收得靈氣太過耐, 令到我好唔鍾意一D太過多遊客既地方. 嗰種Feel令到我一D親切感都無! 週身唔自在咁, 好難頂!

High Tea之後就出咗旺角即刻見到傳說中既紫龍Figure, 真係型到爆! 忍唔住既刻Bai咗佢返屋企重要幫佢Post番兩張相先! 個人覺得實物重靚過影相. 係皆旺買最平, 只係二百五十八兩就有交易, 重要有得畀我揀! 我愛死佢, 愛死佢~~

眼前一亮

真係好鍾意Nokia8系最新成員8600Luna. 呢部別名月神既手機設計得好靚, 但功能就欠奉. 以6千多元既高價, 真係好似唔太值得! 我好少咁鍾意一部電話, 繼3年前Nokia既7系Fashion手機7270之後, 我真係好少對一部手機既外形咁著迷! 真係好佩服Nokia既Product Line同Market Segment可以咁清晰同分明. 佢既成功真係有根有據! 講番部月神, 唔知道大家覺得呢部手機係咪真係咁靚? 定話我對電話呢家嘢有少少病態呢?

愛‧無膽

近期好鍾意新人洪卓立既新歌"愛‧無膽", 作曲同編曲都係Edmond Tsang而填詞就係馮漢熹. 一首Big Band同Jazz味都極濃既歌, 同佢把聲好啱Key. 新人嚟計佢唱得已經算唔錯, 推介俾大家!

最怕是妳 可能心裡另有別人 那晚致電妳 可能好友什至雙親
希望仍單身 我便能靠近 就坐近你一點 每一點也導致可熱吻
我約會妳 當然不會誤了時辰 妳大概吸引 總見到妳逐次生日
心跳劇震 大派歡送熱吻 然後百萬人即刻訓身

誰會夠膽 現在公開請妳揀 又或是根本擺個樣子 比較緊張細膽
嘗試放膽 就在見面時限去 約妳一個食午餐 無疑是一點不起眼
但也至少不敢怠慢 就明目張膽的送花 全力以心思去著眼

妳對待我 一時好到就似情人 我兩個相處
又覺好似未算親密得最合襯 上帝給我示引
無論妳是誰我是誰也為誰製造緣分

誰會夠膽 現在公開請妳揀 又或是根本擺個樣子 比較緊張細膽
嘗試放膽 就在見面時限再去約妳一個食午餐 仍然撞板
然後又妳話我是雖然好玩 而相處的格式不很慣
原來是最後這樣的原因不可以揀
誰會夠膽 現在公開請妳揀 又或是根本擺個樣子 比較緊張細膽
嘗試放膽 就在見面時限再去約妳一個食午餐 無疑是一點不起眼
但也至少不敢怠慢 就明目張膽的送花 全力以心思去著眼
每一天去習慣 送一位上落班

迷網

近期成個人都好累, 覺得自己出現老態同無力感很重. 完全沒有了人生方向似的! 好唔開心同唔鍾意呢種感覺, 我需要盡快重拾昔日既衝勁同人生目標先得!

今日將個版面更新咗, 當比番D新鮮感自己同大家啦!

新曲+精選

先講講個題先, 好記得有一期瘋狂咁買CD. 其中一次行過CD鋪, 見到Eason出咗碟, 有2隻CD. 我當時以為係精選碟就買咗. 返到屋企先知道係其中一首歌叫做"新曲+精選", 諗番起都覺得好白痴! 講番而家, 近期買咗好多精選碟同演唱會CD, 有Carpenters, 陳慧琳, 楊千嬅, 吳浩康, 李克勤, 張國榮, 側田, 薛凱琪, Twins, 王苑之同鄭秀文等等. 除咗吳浩康之外, 其他既都好有新不如舊既感覺, 係無晒新意定係退步?

近期有2個實力派男新人 - 陳柏宇同洪卓立既歌我都覺得好好聽, 前者比較大路一D, 而我自己較喜歡後者來得新鮮同輕鬆些, 可能自己本身比較鍾意聽Jazz味較濃既音樂. 2個Artists我都有聽過唱Live, 唱功都真係唔錯! 總好過前Boy'z既成員, 佢近期首新歌簡直就糟蹋咗張敬軒首曲! 明白佢好勤力, 但天生把聲咁樣都去做歌手就算把啦, 有D嘢係唔可以勉強, 先天不足都唔可以後天補救得到. 事關包裝唔係永久通行証! 建議倒不如明正言順去做鴨仔比較有前途! 有時真係唔明呢個圈係點樣玩, 好似吳浩康咁, 唱得好又咁有個人風格都紅唔起. 真係好可惜, 唔知道當中既政治因素佔幾多呢?

無聲慰問

琴晚致電一位老朋友, 好耐都無同佢聯絡, 諗番起已經有兩年多無聯絡. 我覺得同佢既對話好似時光倒流到小學時一樣, 溝通既模式完全沒有改變. 還記得認識呢位朋友既時候是小學四年級, 雖然無聯絡好耐, 但一見面就有好多嘢講, 但每次都會不自覺地談上遊戲機來. 呢個月真係要約佢出嚟食飯! 有時, 其實輕輕慰問吓朋友既近況, 別人已經很感受到那一份關心. 呢份關心, 可能係我單方面既諗法? 或者有D人會覺得我好煩, 無事無幹都打比人. 不過, 其實我都會Selectively去揀朋友嚟關心!

翡翠劇場

令我近呢兩個禮拜晚晚返屋企食飯同越吹越烈既"溏心風暴"已經完滿結束! 好少覺得電視劇咁攪笑同抵死, 又多金句同話題性咁豐富. 日日係地鐡都聽到人講呢套劇先最頂隱, 好唔捨得添!

時間真係Fit到爆, 過咗席捲全城既話題劇集之後, 我下個禮拜就有新玩具玩啦! 呢個玩具都真係好Surprise! 好耐都無玩過, 所以要用多D時間去Practice, 遲下先話比大家先呢件係乜嘢玩具!

天氣這麼熱

呢幾日條街好似變咗焗爐咁, 一滴風都感覺唔到. 真係唔着衫出街都會熱死嗰隻! 諗番上年差唔多時間, 經常都要出街同D生意人吹水既日子, 而家已經叫做舒服得多啦! 真係諗吓都覺得勁攪笑同超低能!

今日一個人去咗舉行今年既下水禮, 真係未試過一個人游水都可以咁有恆心去游十二個塘. 覺得自己好犀利! 可能自己唔係成日做運動既關係, 游完之後成身都好累. 不過都決定咗每個Weekend都要游一次水, 咁樣好似成個人感覺都健康D, 唔好一日到黑都碰碰上上同飲水飲到飽晒咁!

望望個天, 雷雨好似就嚟要爆發咁! 記得收衫呀~ Sunny Day, I Really Miss You~

唉聲嘆氣

灰灰的天, 空空的街, 千串細雨點... 不過就無微涼! 天氣這麼差, 烏雲密布重成日落雨. 到底太陽先生要病到幾時呀? Sammi都重出江湖啦, 唔係真係要停經先可以見人呀? 都無興架!

上星期六去咗睇Sammi演唱會, 都算係一個Good Show但我本人就覺得佢以前既Concerts好似正D. 唔知係先入為主定係佢已經開始不勝體力既關係? 總覺得佢已經唔係太Carry到咁多快歌! 我自己最鍾意佢唱"唉聲嘆氣"嗰一Part, 成個Feel同個Tone都好統一. 套豹紋裝顯得Sammi好靚同佢個背脊好Sexy, 而張不停閃同變色既櫈亦都好型. 加上佢好有感情同味道咁唱"唉聲嘆氣", 令到成個Picture出嚟既效果好正同好有意境. 如果一定要我畀分既話, 我願意畀滿分!

當晚亦見到好多星, 包括Fiona同方大同, Joey同阿Sa, 阿Gil同泳兒重有谷德昭等等... 由此證明Sammi真係本地藝人心目中既Mega Star, 先可以吸引到咁多明星朝拜佢. 平心而論, Sammi都真係算幾全面既藝人, 無論唱歌, 電影以至電視劇, 佢都有代表作. She is a legend!

別來無恙

好耐都無Update, 近排身邊又無咩特別值得記錄既事. 原本諗住今日去游水, 可惜落雨唔會有人同我癲~

琴晚見到好多唔係成日見既朋友, 真係好開心可以同佢哋一邊傾計, 食飯同飲嘢! 好耐都無試過咁Relax咁過Friday. 朋友分享咗佢既理財心得, 我頓時悟出今年既大計. 真係要多謝佢! 同思想比較成熟既朋友傾計真係唔同玩法, 對話有靈魂好多!

可能之前玩得太多, 已經唔太好飲到貓晒既Party. 比面派對真係只會係比面派對, 隔數月一次都重Ok, 成日係咁就...

謝謝儂

今年生日好開心, 要多謝21號畀面出席私人派對既所有星級貴賓(排名不分先後):-

相識十數載既難兄難弟 - 大鼻, 雞爺同亞富
N年前至靚仔靚女既閩光校花校草 - 鄧駿及Gigi
紅顏知己 - 亞Yen, 鬼妹& 小龜
絕對美麗既人妻2人組 - Venus & Virgin
Nokia既明日新星 - Leo + Wesley
好Sweet既連體嬰 - Gary & Jenni
至好波既足球狂熱份子 - 能仁與仲賢
出生入死既老表 - 輝輝
特別要多謝整咗一個勁好食既蛋糕過我既 - Shawn BB

...重有要鳴謝同我一齊睇蜘蛛俠3傳媒優先場既名人專訪後起之秀!

Thank You Million!!!

斷尾

耳鼻喉都好唔舒服, 真係好想向天大叫! 點解喉嚨成世都唔好, 永唔斷尾! 醫生都無計, 佢都話無可能要我將所有生活習慣完全改變晒! 灰到爆~~ 咁即係無得救啦, 叫我等死係唔係?

粵語殘片

近日腦裡經常出現一些童年時的片段, 有好多當時不覺得珍貴既時刻, 呢一刻自己反而窩透了心. 可能自己與身邊的人都敵不過歲月流逝, 尤其是老一輩的, 不論他們有多健康, 面上總會找到很多很多歲月的痕跡.

愛, 總得要及時, 下一秒永遠不能預計! 上星期, 婆婆突然在家發生了小意外, 幸運地當時公公在家, 否則真不堪設想. 這一件事告訴我, 要珍惜眼前的所有. 年輕人看似有很多時間, 但時間總不會呆著等人. 這些是不是人所謂的"化"同"看透了"? 但呢一刻自己真的很怕失去親人, 太多太多回憶令我感覺這一種無形的壓力, 它令我很辛苦, 很怕!

粵語殘片, 是活在腦袋裡面. 但我更希望當中的每一個角色可以照耀我生命的片段長久一點及給我更多美好的時光與回憶. 使我的故事只有錫我的親人陪我成長與分享我的快樂.

失蹤

以下是一則失蹤人口報導: 一名身高大約一百六十五至一百六十八厘米, 瘦削身材, 戴眼鏡之林姓中國籍男子. 自昨晚七時至八時左右, 離開寓所前往旺角與友人會合途中失去蹤影. 因友人久等而未見林並無法接通他的手機, 故與他的家人聯絡並得知此事. 因失蹤未及四十八小時, 警方不予受理此案. 如有途人遇見上述特徵之林姓失蹤男子, 請即與其家人或本人聯絡, 無酬.

堅持

忠於自己, 堅持到底. 目標明確, 係我係山頂度學到既Treasure. 真係唔好要我以其人之道還治其人之身好唔好! 我只係想好來好去, 真係唔好迫我出手. 我真係好唔想去到一個無可挽回既地步. Just Let Me Go~

不如不見

上一個Weekend無出街, 係屋企無所是事. 上網睇咗好多朋友既網誌, 得知他們近期的一些事情. 感覺好得意! 原來朋友真係唔需要經常見, 有時經常見反而會相對無言. 我覺得只要係心入面當大家係朋友, 其實已經好足夠. 知道別人幸福, 我都一樣會好開心! 同樣地, 如果我好, 到底會有幾多人會因為我好而開心? 相反, 如果有一日, 我需要朋友既幫忙, 會有幾多個真正既朋友會真心去幫自己? 呢個諗法其實好白痴, 事關我都唔希望我自己真係需要別人去擔心自己. 呢一刻, 着實有好多朋友知道我有事都會第一時間企出嚟Stand By Me. 我完全感受到! 有時朋友既嘢, 心照同盡在不言中, 已經收到晒!

零

新產品試後感: 飲咗兩日凍同唔凍既零系可口可樂, 無特別感覺... 可能本身唔太好可樂呢家嘢啦! 佢標榜既無糖同Fat似乎係欺騙成份居多, 事關有甜味劑的話咪一樣會致肥! 但以可口可樂既品牌效應下, 更有一班粉絲死硬派不顧後果咁無條件去支持同信奉. 相信肥仔同肥妹既數目又會再創新高! 多謝可樂味既水, 阿門!

改造人

係呢個奇特世界入面, 絕大部份既事情係唔能夠用常理去解釋. 最近聽到一件靈異事情, 令我深切體會到做好人同實力派係唔會有好結果既事實. 原來一個人乜都可以唔洗識, 只要學會用靚鞋油去做人就自自然然行大運. 完全唔需要求神問卜呢家嘢! 所以由呢一刻開始, 我要將上天賜比我與生俱來既特質應用係弱肉強食既世界度. 特別係老細級同上司級人馬上. 骨氣呢家嘢其實一D都唔重要, 只要有權有勢就自然有尊嚴. 面子永遠係人哋比先最實際同緊要.

要成為成功人士, 非完成社會大學仆街學係既文憑課程不可, 所以我決定參加契弟速成班惡補一下, 重頭再去完成呢個長達成世既全職課程.

找自己

經歷令人不斷認識自己, 從一些細微細眼的事情上, 可察看見一個人的基本特質. 而窺探一個人的思維, 可從談話著手. 不其然流露的, 正是人的本質. 所謂三歲定八十, 後天加工的, 本人覺得只是進步及進化的附屬添加品.

本人很喜歡思考及探索, 但不愛幻想. 當我諗到了答案, 我便會去做. 工作了幾年, 令我真正體會到何謂"吃得苦中苦, 方為人上人"的道理, 這是我小時候經常聽到的. 可能人生實在有太多事與願違, 特別是人際及工作上, 令我漸漸學會妥協及放低. 更加明白到何謂社會體制及更了解自己的位置和需要. 必然地, 去到不同階段便會擁有不同的權利及義務, 這長長的一段木人行從不易走亦不好受. 所以自己現在每天早上都會想一想今天自己的目標. 好讓生活過得有意義一點. 起碼對自己要有所交代.

每當事情看得太過透徹, 便再沒有餘地去留戀. 所以要令自己傻一點去平均身心, 因為尋找答案永遠等同去重新認識及了解自己. 才不會讓自己迷失和被聰明所誤, 這樣人生才像樣一點, 美好一點.

講也不要講

講下去亦再沒有意思, 只會讓心懷不軌的人繼續加插很多不必要的. 人與人, 從沒有對與錯, 只有相信自己所做而不後悔, 一切便可!

感冒

今年第一次大病, 細菌感染所引起的感冒, 發燒, 頭昏, 骨痛同全身無力, 同一時間出現. 醫生重話有機會傳染比其他人, D細菌真係好似好利害咁. 我諗大家短期內都唔好見面啦!

東京特急

叉電一星期之後, 成個人好似火鳳凰重生一樣. 身心都回復無重狀態, 未來一個月一定都要Keep住呢個Feel同Status先叫做對得住自己!

係北海道舒緩壓力之後, 再血拚東京, 真係大快人心. 但換來係嚟緊既兩個月都要節衣縮食, 因為我真係買咗好多嘢同洗咗好多錢呀, 不過最緊要自己開心! 除咗工作以外, 我絕對唔會做一D自己唔開心既事. 今次呢個北海道之旅最大既收穫, 除咗衫褲鞋襪之外, 就係同屋企人既感情又邁進咗一大步, 特別係同我亞哥既感情. 所以再有機會我都好Enjoy同佢哋去多幾次旅行, 真係好開心, 好開心呀!

回到香港, 假期放完, 旅行又去完, 都係時候做番自己應該做既正經事啦! 我相信我自己一定好快可以做得到!

開放日

一週的北海道之旅完滿結束, 玩得好開心! 無論食,玩同購物都非常之滿足! 去旅行除咗散心同Relax之外, 重可以令人真真正正去思考一下自己平日沒有時間去考慮的事!

今次影咗好多相, 已經Update咗係我既Online Album裡面. 大家可以去欣賞一下同感受一下我既快樂! 今次北海道之旅, 令我更加覺得係呢個世界, 真係只有屋企人永遠係自己身邊同唔會傷害自己!

祝大家新年快樂, 恭喜發財!

豬先生

話咁快又一年啦! 回顧上一年, 真係有好大轉變! 工作環境以致心態上都改變咗好多. 沒有了以往既Stubborn! 自覺地需要Fixing Up自己, 有D位需要再返Tune一下. 好明白沒有可能達致完美但Improve自己相信都唔會係一件錯事! 自知有好多不良嗜好同懶惰既陋習, 所以要好好學習何謂耐性. 希望今年可以有原動力去讀吓書. 完成對自己許下既承諾!

講番D開心嘢先, 重有唔夠12個鐘, 快過突破十二宮, 我就會離開呢個鋼筋森林. 去呼吸一下Fresh Air. 雖然我知我平時係山頂都吸好多新鮮空氣, 但相信見到雪個感覺會清新D同唔同D! 已經有兩年無係香港過年初一啦, 真係好似返咗去澳洲讀書咁… Well, 臭到爆, 唔講咁多嘢啦! 係度同各方好友講聲恭喜發財, 身體健康, 人財兩旺同豬年行大運先, 不論錢又好, 仔女又好, 都搵多D, 搵多D, 搵多D!

幸運是我

近呢幾日生活好像突然發生戲劇性改變, 不論屋企, 工作和感情亦然! 呢一刻真係覺得自己係世界上最幸福的人, 擁有一班好Support自己嘅屋企人同朋友!

下一步, 好希望自己能夠係各方面可以取得一個平衡, 當然, 好明白時間同崗位嘅分配絕對唔係一件易做嘅事. 就當呢一課係為別人而學也好, 對我將來待人接物嘅技巧都會好有幫助! 懂得去愛自己, 才可以去愛別人. 相信今年都應該係學習停不了的充實一年!

遊樂場的快樂照片

好耐都無試過家庭樂! 星期日同老豆飲茶, 之後由我揸車入沙田新城市廣場行咗一陣街, 再去探好耐無見嘅爺爺. 一整天都好開心!

之前一日成個人都悶悶不樂似的, 打算星期日都自閉係屋企就算. 真係無諗過, 原來快樂真係可以好簡單, 好直接. 同屋企人簡簡單單咁飲一頓茶同去遊樂場走一圈, 呢一樣嘢先係我最想得到嘅快樂. 過往幾年, 我真係忽略咗佢哋好多. 自己覺得好內疚, 自己最重要嘅人一定係屋企人, 最錫自己嘅人原來一直係我身邊!

說真的, 近排心態真係轉變咗好多好多, 我自己真係要為將來打算一下, 好嘅轉變, 未賞唔係一件好事!

冷熱之間

一首林一峰嘅歌, 我自己覺得好好聽, 所以好想推介畀大家:-

永未預計得到 有幸能遇上你 不得了 瞬間找到方向
我沒掉以輕心 縱是古老劇情 絕不可失禮 顧及形象
太近又會心慌 遠亦難被察覺 開心笑 也擔心太誇張
意外視線相觸 世上一切暫停 願將這一剎 盡量延長
理智快亂了 自尊心交錯 忐忑中想得太多
冷靜熱切之間 我是否會做錯 喜歡你 總不會錯
喜歡你 錯又如何

魚與熊掌, 該選擇邊樣好?

失魂落魄

近日自己總係力不從心, 大腦發出一些信息但四肢總係做不到即時的相當反應. 一些需要Internaction既Response近期咁差, 真係做乜都唔掂啦! 比D時間我, 我相信我好快就會回復狀態!

好時光

新年快樂! 新一年, 新開始. 將上一年的不快事完完全全忘記, Never Look Back! 經歷過不斷Up & Down既2006年, 學精咗唔少! 我相信2007年我一定會比以往每一年都更好. 希望我身邊所有朋友都會活得更精彩!