再會了

話咁快一連16日既北京奧運會, 今晚就完滿結束啦! D時間真係過得好快好快, 快到連自己都唔相信. 就黎踏入9月, 重有4個月2008年就完結. 今年自己好似無乜特別做過? 好想係今年完結之前轉工, 不過直到目前為止都無任何回音. 唔通我寄出街既求職信去晒黑洞? 有無人可以話畀我知乜野事呀?

琴晚同天鵝哥慶祝生日, 食佢最愛既德國大肉腸同鹹豬手. 之後又打咗12圈麻雀, 真係人都癲! 賽果係... 又係我又頭帶到落尾, 重要比人懷疑我食禁藥添! 呢個禮拜我就威囉, 攞番晒上個星期五同六輸既麻雀數同D數, 爽到死! 呢隻鸚鵡好似係為咗送錢畀我而黎香港咁, 多謝晒呢28圈牌輸錢畀我既魚腩大軍, 我保證你地既犧牲係唔會白費架!

大風吹

琴日既九號風球造就我地竹戰十六個圈, 令我係SaSa同彥彥身上攞番上個禮拜交畀佢地既金錢. 多謝鸚鵡! 不過外面真係超大風, 唔怪得天鵝哥係咁惡劣既天氣下都要冒死起飛啦, 勁!

永久保存

北京奧運開幕禮真的很精彩. Good Show!

紀念日

2008年8月8日, 雨天. 北京奧運會開幕禮今晚正式舉行, 我都好想親身感受現場氣氛. 奈何我不是何鴻燊的私生子, 亦不是無錢契仔李克勤, 只好買定薯片同氣水安坐家中遙距欣賞呢個開幕盛會. 無論今次奧運會做得好定唔好, 對於中國人黎講都係一件好值得驕傲的事. 畢竟奧林匹克精神 - 世界大同, Worldwide Get Together!

路...一直都在

幾難行都好, 終有一日會搵到平地. 唔可以放棄, 唔可以再灰落去. 我信我做得到!

琴晚又收到一年一度既綠信封, 呢幾個月已經洗大咗好多, 重要履行公民責任. 加上各方好友既紅炸彈, 立即令我赤貧指數高多三個百分點. 感覺越黎越大壓力! 真係要停止再買野, 如果唔係朋友會收到報紙人情既機會好高!

好想放一個長達一個月既大假, 比自己好好咁休息一下, 充番滿D電再博過. 呢排成日力不從心, 成個腦實晒. 再咁落去真係唔係辦法! 真係唔敢想像, 到我有兒有女既時候, 想放個長假都真係有難度, 事關大既唔食細既都要食. 所以而家真係最緊要開心, 唔好諗咁多太現實既問題先得, 呢一刻唔可以再畀自己太大壓力, 要學下放鬆自己!