潮人誌

自問自己唔算係一個潮人, 不過一直有留意手提電話市場既走勢, 都算跟得好貼. 而近期除咗留意股票市場既消息之外, 重開始留意相機同車既最新動向. 嗜好不斷增加, 令我覺得自己好似變咗一個半電車男… 要改呀, 要變呀!

呢個10月真係洗咗唔少錢, 要停, No More Shopping啦! 再係咁落去, 就真係要出賣色相黎換取金錢架啦, 我唔可以畀呢種事發生係我身上! 11月一定唔可以買貴過五百蚊既野, 要將所有Credit Cards放晒係屋企, 唔可以再買衫同行電器舖.

鬆郁朦

終於忍唔住買咗人生第一部數碼單鏡反光相機. 留意咗好耐亦都聽咗好多不同既寶貴意見, 最後接受咗專業攝影師Hoho既專業推介, 選擇了Canon既EOS 450D. 所以今年內都不能夠再買衫褲鞋襪袋同AV產品啦! 事關今年我重有一個目標未達成, 相信只要停止買野, 呢個Target應該唔難Reach!

今晚聽到一位極度熱愛Nokia既朋友辭去佢深愛咗五年既Nokia工作, 覺得好可惜! 事關眼見佢由恨做呢份工到對呢份工同公司心淡既經過, 令我覺得當人面對殘酷現實既時候, 真係不得不要放棄理想. 希望佢會搵到一份更有前途同滿足感既工作啦! 話時話, 其實我自己都好想放個長假, 放一個充滿陽光與海灘既假期. 希望過咗農曆新年真係有機會實行呢個期待已久既悠長假期啦!

不快樂王子

呢期真係好唔想返工, 嚴格黎講係好唔想返Click. 我都唔知自己重可以忍幾耐? 呢下半年, 好多事情都發生得好突然同令我好唔開心同不快. 無論家庭, 事業同自身都係. 不過又未算最差, 我只想唔好再差落去, 所以好想好想轉工. 相信只有轉工先可以令我既心情改變, 好想快D有工見呀!

上個禮拜婆婆因為中風入咗醫院, 攪到大家都好緊張同擔心. 亦因為咁, 成個禮拜既活動就係返工同去醫院. 可謂不幸中之大幸, 出事既血塊無影響到主要既腦細胞. 不過行動同語言能力已經大不如前, 希望佢呢兩個月真係聽聽話話, 快D好番. 唔好成日都口硬話自己無事, 唔洗人照顧!