Lost Christmas

What's a wonderful god father returns with 3 cartons of holy water. Sound cool right man? I also prepare HD mini carnival to all of my guests, which contents Xbox360, PS3 and Wii. Our new definition of "Quality of Life" is not only mean "Cigarette", "Alcohol" & "Friends" but on top with the above 3 HD consoles. Can't wait and stand too long, let's celebrate our Christmas Party 2006 tonight!

I'm really happy today, that's why "BOM CHA CHA", Bom Cha Cha Bom Cha Cha... Merry Merry Christmas, We're gonna crazy~~

外婆

一年的時間真的很快過... 昨日是外婆的生日, 我們一大班親戚與她吃飯. 不知怎樣, 每一次與她吃飯, 那一頓飯終好像消夜沒有兩樣!

今年外婆的壽宴好像沒有去年那麼熱鬧, 可能是自己心態上的改變, 整晚我都很不希望與是非掛上任何關係, 因為有些人的性格實在太過難登大雅之堂, 往往不接受現實與及自尊心太過強! 不談論這些, 我真的很希望外婆身體健康, 長命百歲同龍馬精神!

我們

好耐都無呢一種感覺, 唔想返工為咗打機. 難怪任天堂個社長會預料曠工同走堂嘅人會因為"我們"而激增. 我終於明白點解啦!

只希望新鮮感快D過, 生活回歸平常. 機照打, 工照返! 願主快D給預你哋..."我們"...

阿牛

將小宇宙燃燒到極限先為之好員工嗎? 點解做每一份工都得唔到我應該得到嘅待遇? 但點解有D人又可以少勞多得? 究竟問題出咗係邊度? 定話我天生註定係勞碌命?

我明白呢個Field嘅Job Nature係需要不定時工作, 但以我嘅Conditions, 應該唔需要做到去呢一個地步! 唯有當學嘢同希望下一步, 我可以得到我要求嘅合理待遇啦! 一定要忍忍忍忍忍, 我真係唔相信我一世都會係咁. 總有一日會有人識得欣賞我!

不能回頭, 早明言不能回頭... 我是牛, 我是牛...

黑色誘惑

它的特徵: 漆黑色加銀邊, 浮誇到爆不在話下! 在26吋HDTV的完美畫面襯托之下, 註定迷上亦令人眼前一亮! 唯一美中不足, 它沒有令人愛不釋手的附件同時出現!

期待它的好拍檔盡快出現, 將悶局打破, 不然那綠色怪物將會與它平分春色!

一週年

不經不覺已經營了一年時間, 我的中文文書處理進步了不少. 在網頁不斷更新的同時, 我亦一同成長與進步. 唯一不變的, 我還是那麼鍾愛音樂!

回顧上半年, 實在發生了很多事. Up And Down, Up And Down, 當中有開心亦有很多不快. 將錯折視作為經驗, 我確切的成長了不少, 現階段, 好清楚自己真正想走的路. 估不到, 在誤打誤撞之下, 今年的生日願望真的實現了! 堅持, 令這裡經營至今, 同時亦令我可以忠於自己嘅意願而行事. 得來不易, 相信我亦會倍感珍惜!

來年, 我會繼續在這裡分享更多不同的題材予大家.

圓滿

真係好開心, 興奮同有滿足感, 成件事都發生得好好! 籌備一整年時間, 參與三個月既Event, 中間實在發生咗太多變數! 但個結果真係出乎意料的好, 呢個結果肯定了大家既努力係沒有白費!

見到自己付出嘅努力得到別人嘅肯定同認同, 我真係覺得近呢一個多月嘅心血真係唔係白流. 過程真係好艱辛, 但一個圓滿嘅結果, 足以抵消一切! 唯一的美中不足, 只係一個放咗最多心血嘅人唔能夠參與同分享現場氣氛呢一份喜悅! 希望佢快D回復健康!

A Brand New View, 為我重新開始打了一支強心針!

心血

小孩快將誕生, 星期二是多麼重要的時刻. 來不及想太多, 因時間實在過得太快!

人有時真係好矛盾, 好想快些到星期二, 完了便可鬆一口氣. 但過了星期二, 我的存在價值便好像再沒有了!

無論如何, The Show Must Go On! 往後的事, 過了星期二先再算. 初步目標同計劃已為來年準備好, 相信自己的能力, 我一定得, 便得! Positive一D!

阿門

神父昨夜倒下...

聖水將我污穢不堪的身軀同心靈徹底淨化...

慶幸881688將我一同Prison Break!

願主保佑一班娃鬼不要再回魂, 阿門!

光明會

琴晚睇完何韻詩演唱會, 好好睇! 唱得, 跳得, 服裝又靚同個台都好型. 但發現佢絕大部份D Fan屎都好似係TB! 相信呢個都係佢理想嘅Market同成功因數之一!

成個演唱會都好有氣氛, 佢全晚都帶動得好好. 快歌熱鬧, 慢歌感動. 佢把聲真係好好聽同佢真係好夠氣. 跳住唱都重Carry得到. 由佢第一隻碟聽到而家, 好多歌都好好聽同好有意思, 所以都無話邊首歌唔識. 一個字 - 正!

無睇過今次呢個演唱會嘅朋友, 真係要買DVD感受一下呢個演唱會嘅氣氛, 真係好有感染力!

咳出來

咳了一整個禮拜, 呢個Weekend要好好咁休息先得! 成個星期都好多嘢做, Multitask到暈, 希望成件事出嚟嘅效果唔會太差啦!

呢份工作令我諗起好多以前係天展發生嘅事, 令我再次投入番去享受忙碌嘅生活. 辛苦D都係值得嘅!

半天假

半日假期, 其實好似無放咁! 事關帶咗D嘢返屋企做, 明天又要幫家姐做嘢. 我真係苦命, 次次都係工作量同人工永遠都唔成正比, 去到邊都咁抵用, 好唔開心. 希望下一份工可以打破呢個宿命!

今日, 原本打算去買XBox360, 但最後都係打消咗呢個念頭. 事關而家真係唔太鍾意打機, 都係買吓衫着好過. 近期覺得打機好嘥錢, 次次買完都無乜點玩咁! 嗜好越嚟越少, 可能係一件好事. 可以儲吓錢, 之後去學吓投資.

唔好嘥咗呢半日假, 等我瞓個晏覺先, 你唔恨得咁多, 朋友!

無間道

係大家先入為主之下, 馬田史高西斯嘅最新作品-無間道風雲, 被完全比下去絕對係理所當然. 無可否認, 史高西斯今次真係將無間道呢個品牌改到體無原膚, 亦沒有將原版嘅內心戲同精髓拍出來. 服裝方面, 比原裝版本有好強烈嘅對比. 荷里活版本比較Casual一點, 我相信呢一點係史高西斯刻意去令無間道親民一點. 相信背後一定別有用心或有深層意義.

選角方面, 以里安納度同史高西斯嘅交情, 好角色自然會優先預留畀佢. 但里安納度太過Baby Face, 根本Carry唔到陳永仁呢個角色, 而麥迪文完全掌握唔到劉健明嘅神髓. 兩者給觀眾嘅感覺都沒有了原版的大將之風, 好難信服觀眾. 但個人認為, 如果由畢彼特演梁朝偉的陳永仁, 湯告魯斯扮一向One Dog Face嘅劉德華會更有噱頭. 起碼亞洲人會易受落一點. 至於成套戲, 我最欣賞積尼高遜嘅Frank一角, 即曾志偉的韓琛. 用另一個角度去描寫呢個角色嘅陰暗面, 係全劇改動得最討好嘅一角. 當然, 積尼高遜嘅演技亦應記一功!

今次, 對馬田史高西斯真係有點失望, 証明了改編劇本完全唔係佢杯茶. 一個絕唔容許自己拍的電影甘於平凡嘅導演, 將大量個人風格加進一部已經相當完美嘅劇本內. 觀眾將新舊比較係必然, 新不如舊亦係事實. 無間道風雲失敗在於原裝版實在太完美! 難怪馬田史高西斯亦要事先聲明話唔會再拍改編電影.

放輕一點

平常心; 看完阿甘正傳, 有一些新啟發. 有時太過刻意去做一件事, 效果未必會有預期中理想. 以平常心待之, 反而會有驚喜!

平時, 自己可能太過緊張同急進, 覺得好多事情達不到預期的效果而失望. 但從沒有去想想整件事上, 究竟那裡出了問題. 有時一個人的能力實在太有限, 好多時總需要有多方面的配合, 才會有好結果. 眼光應該放遠一些, 心情應該放輕一點!

懂得應守時守, 應衝時盡情去衝, 要停便應停. 在這數月來, 我完全忘掉了忍耐也是成功因素之一. 很多事情, 急不來!

戀之風景

呢個星期天氣好好, 每日我都會上山頂嘅觀景台望吓維多利亞海港嘅美麗景色, 心情會立即好好多. 山頂, 其實真係一個好人傑地靈嘅地方!

每日, 我都遇見到好多唔同國籍嘅遊客, 感覺真係好似返咗澳洲一樣, 要成日面對外國人. 有時, 我真係覺得自己好似去咗外國工作一樣. 返工嘅時候, 完全忘記香港嘅生活, 變成另一個人, 除咗D朋友打電話比我需要我嘅慰藉. 但一放假, 我就完完全全回歸香港, 緊貼潮流, 擁抱音樂同忘我享受Quality Of Life!

兩種截然不同嘅生活方式, 其實我都好享受! 平淡樸素得, 緊張繁忙又得, 紫醉金迷亦得, 得咗!

九月中的陌生人

呢一首係李克勤N年前嘅歌, 收錄係Purple Dream隻碟入面. 即係一生不變嗰隻! 好記得當時我D表哥表姊同我都好鍾意呢首歌. 佢哋到而家都重係好鍾意李克勤, 而我對佢都尚有一份情意結.

今晚我將個Blog嘅Interface全面更換咗, 順便Update吓個Profile. 九月中開始, 我會繼續扮演大家最熟悉的陌生人!

浪漫手機

識我嘅人都知我對手機有幾熟悉, 同有幾狂熱! 現時手機功能可以有幾個人化相信大家都知. 可以影相, 拍片, 聽歌, 上網同視像通話. 而鈴聲, 主題同Wallpaper, 看似好普通, 但反而最實用.

曾經見過一位同事嘅手機裡面, Wallpaper係佢同女朋友嘅合照, 鈴聲就係佢女朋友把聲. 我諗佢真係好珍惜呢一段關係同好愛佢女朋友, 勁浪漫同非常至死不渝! 唔知道會唔會有一日我嘅手機都會Sweet得咁個人化呢? 我諗呢個可能性都不太高, 因我嘅私人物件一向都比較低調. 同我真人各走極端!

我認為手機係現代人除咗銀包以外最私人嘅物件. 事關裡面盡是主人嘅私隱, 有Message, 相片同朋友嘅Contact, 好比身體嘅一部份, 絕不可能缺少!

Medley: 毫無保留, 名模 & 神經

Natural High, 行近對象電流擴大~ 充滿自信嘅Superstar狀態. 好難怪熱情Fans會主動送上名錶. 行Catwalk嘅時候, 重有大批朋友等住握手! 此人真係極盡娛樂之能事, 無他既, 自然流露嘅佢, 天生一副明星相, 去到邊都咁一時無兩, 一個人太Charming始終都唔係太好. 重要識唱歌, 懂跳舞, 可以行Catwalk真係無乜邊個能夠做得到. 只有佢先可以輕易成為眾人嘅焦點...

以上係一個長期精神病患者嘅真實個案.

葵涌醫院日誌: 精神嚴重錯亂, 情緒經常高漲, 人格極度分裂. 經醫生斷定... 係無得醫!

最悲哀的事 Featuring: Back Up Never Too Late

好唔開心, 我相機同手機多年嚟嘅靚相一夜間全部無曬! 而家回憶只可以永遠活係我腦裡面, 而唔可以清晰重現. O曬咀都無保於事! 呢個教訓太大啦, 原來Back Up真係唔可以太遲! 一日都係周慧敏呢條八婆, 好學唔學, 去學人復出重要開演唱會. 無好死呀呢條臭!

愛得太遲 Never Too Late

好有意思, 兩個版本, 兩種味道, 親情同愛情都寫得好細膩. 相信這一代好多人都Suffer緊! 有買呢隻碟嘅人, 相信都已經睇咗隨碟附送嘅60分鐘音樂電影. 內容有好多都好圍繞現今年輕嘅一代, 會心微笑!

其實無人真係想不停工作而忽略咗身邊嘅人同錯過身邊好多事. 但事實上, 呢一代唔工作真係會手停口停! 反映出現今香港社會壞風氣, 超時工作等於好員工, 無錢便等於失敗! 內涵, 修養同人品已經變得不再重要. 但正面一點想, 可以喺一個咁惡劣嘅環境下掙扎求存, 就當鍛鍊自己嘅耐力, 發揮自己嘅上進心同賭賭自己嘅運氣!

回頭太難, 向前望亦要有勇氣, 自信心一點都不能少. 知己知彼, 有時Work Out一件事, 需要天時, 地理同人和. 失敗未必係自己嘅問題, 盡力過便算. 平常心同平衡自己, 現在還未遲!

混血兒

華麗衣裳嘅網球界奇女子, 健步如飛嘅佢, 善長開出豆零高跟現形網邊A屎波. 所有對手都要有心理準備隨時迎接大滿冠嘅招待狀! 唔打大滿冠嘅時候, 奇女子閒時接廣告都接到手軟, 唔愁無得撈. 除此以外, 佢亦會醉心於慈善活動, 例如每月發放生果金予有需要人仕. 她重會身體力行參與好多團體活動! 名符其實係一個不折不扣嘅大慈善家.

身為甲級種子選手嘅佢, 男Fans當然唔少啦! 每次Fans Club有活動定必令在場痴漢群情洶涌. 加上酒精嘅驅使下, 佢甜美帶點淫邪嘅笑容同悅耳而浮誇嘅尖叫聲, 都將佢斯文嘅外表徹底咁出賣咗! 好比麥當娜上身一樣咁將佢最原始同誘惑嘅一面釋放出嚟. 除此之外, 佢假扮純情天真小甜甜亦有一手, 所以亦有一班中年男性嘅捧場客. 重有就係, 形象百變嘅佢, 每隔數月便轉一轉Look. 上至髮型下至腳甲油, Look Look都唔同! 怪不得痴漢數目有增無減, 新一代娜姐之名佢真係當之無愧!

與生俱來一副甜姐兒性格, 加上世界級交際嘅親善手腕, 絕對係佢成功之道. 事業喺佢掌握之內真不足為奇. 她係我好早期係澳洲認識嘅朋友, 亦係唯一一個維繫到而家. 我哋可以話睇住大家成長同有唔少嘅回憶. 當朋友有難, 喺可行嘅情況下, 佢都會全力支持同給予鼓勵. 真係好開心可以識到呢位朋友. 加油呀, 雅典娜!

友誼小姐

她自稱為天仙, 相信無人敢話唔係! 人前人後兩個樣嘅佢, 大方得體, 八面玲瓏. 要佢扮小家碧玉得, 白姐姐又得, Man Eater亦得, 得咗! 如果唔係喺葵涌見過佢, 我真係唔敢相信呢個世界真係有D咁嘅人! 個人覺得佢嘅交際手腕真係一流, 無論工事定私事都好, 平衡得宜! 真係天生一副PR格, 注定要出嚟撈!

成班Friends入面, 佢嘅性格可算係最鮮明嘅一個. 不愛就不愛, 係嗰句講嗰句! 事關佢當你係Friends先比你見到佢最真嘅一面! 可能物以類聚, 大家嘅嗜好都好相似, 都係鍾意AV產品同發神經, 幾低能都有. 好似飲大咗嘅時候, 佢會好有禮貌咁問司機攞膠袋同講唔該! 深夜時份, 可以係尖東海傍上演當玫瑰遇上女魔頭之類嘅怪行. 分裂程度近乎爆燈, 遲一陣打鎮定劑都有可能會走出街跳脫衣舞嗰隻! 真係毫無保留其中一句歌詞嘅表表者, Natural High~~~

數數手指, 認識佢嘅日子其實都有番咁上下, 由一齊做Presentation開始到而家, 佢都真係幫咗我好多. 其實佢份人好聰明同孝順, 好知道自己做緊D乜! 唔怪得成日同人講 – 我撈邊行! 好老實, 佢對朋友真係好好, 完全唔係酒肉朋友嗰隻. 好留意朋友嘅嘢, 重會記喺個心度! 只係有時覺得佢會忽然間姨媽到咁, 令身邊嘅人好難做, 真係唔係個個都頂得順佢同遷就得佢!

有福氣

呢一個可謂係奇女子, 有好多經歷同波折但依舊開心快活人. 上天賜予佢有一個好幸福嘅家庭同對佢不離不棄嘅男朋友. 呢D福氣相信係佢上幾世修回來! 我哋唔係成日見, 但就會好關心大家. 還記得當我係澳洲讀書嘅時侯, 佢幫過我好多. 義無反顧同有義氣, 可能連男仔都未必做得到!

呢位女中豪傑, 比我嘅印象係, 爽快, 率直, 快樂同幸福! 真真正正係船到橋頭自然直嗰隻, 她是一個活例子, 話我知所有事都係天注定, 唔洗諗太多. 食幾多同着幾多係整定, 無需擔心, 凡事盡了力便算. 應快樂時該盡興, 要工作時便投入! 可能係呢一種生活態度, 令佢有呢個咁知足常樂嘅性格. 心境開朗, 人都真係會聰明D!

殺掉一D可惡嘅陋習, 妳嘅生活可以過得再幸福D! 唔好再浪費上天賜予妳嘅優惠, 幸福真係唔係必然, 要好好珍惜呀! 有機會係Week Day唔洗返工嘅時候, 我哋再一齊去High Tea 同唱Lunch K, Promise呀!

大方

要點樣稱呼呢一位先生, 佢嘅性格同佢嘅外形好似, 都係圓圓的. 基本上, 呢位朋友係我眼中永遠都係咁開心快樂, 只因他的眼淚只會在心裡流. 慷慨, 大方同唔計較, 令佢好輕易嬴取別人嘅信任. 但認識耐咗, 真係好想大把大把扯落去呢個聰明仔度. 因此人自我保護意識好強, 看似永不得罪人, 但用一套武功對所有人, 都總有一天會唔Work.

話時話, 佢都算係一位鐵人28, 可以玩通頂之後再去遊船河. 可能同佢平時Keep住踢波有關. 重有平日嘅活動, 佢都好樂意充當攪手一職, 相信同佢好鍾意成龍大哥有關, 事關佢影親相都慣性模倣偶像. 唔怪得佢咁有大佬風範! 做大哥真係做到入型入格, 佢敢認第二, 都無人敢認第一呀! 不過, 作為佢嘅朋友, 除咗吃喝玩樂以外, 有時都想見吓佢嘅內心世界. 唔好成日好似亞旺咁笑茄茄, 但又鍾意放毒蛇, 同佢打牌嘅時候最覺!

呢期比較少見面, 事關佢實在太忙, 唔係話要踢波就係公司大把嘢做. 我諗佢真係忙到連休息嘅時間都無, 呢D咪叫做有咁耐風流有咁耐折墮囖! 不過佢一世好命, 呢D日子好快就過啦! 相信佢呢一刻最需要一個好關心佢嘅人係佢身邊, 佢就會好滿足! 至於朋友, 心照啦!

濛

真性情, 自然, 情緒大上大落, 多愁善感係呢位快樂小王子比我嘅感覺. 同時"濛"正好是呢位朋友嘅代名詞. 我總覺得他看不清這個世界, 或者, 係佢刻意令人誤解佢真實嘅一面.

家庭自小已經給予小朋友一個很好嘅成長環境, 加上溫馴嘅個性, 令佢可以輕易成為朋友間嘅焦點. 其實真性情唔係唔好, 只係如果係唔適當嘅情況或場合出現, 效果可以好極端! 一個唔會害人嘅人, 我相信壞極都會有個限度. 將EQ控制吓啦! 還記得在澳洲第一次見到你喺Account堂度, 無諗過會同你係香港咁啱玩, 相信你嘅諗法同我都係一樣. 事關當時你好比一個暴風少年, 而係澳洲嘅我好比一隻內向嘅小羔羊, 同真實嘅我有很大差距, 諗起都覺得好笑!

我哋嘅緣份係天意嘅安排, 好比古巨基遇上黃柏高一樣, 注定你要跟我搵食. 我一定會將你捧到好似側田一樣咁紅. 跟住女魔頭只有一條路比你行, 就係死路呀! 唔想死就好似Smartone N年前嘅廣告嘅靈風咁 – 速逃!

我行我素

為人師表好榜樣, 係我由細到大對我敬畏嘅老師嘅良好印象. 諗唔到我嘅朋友會可以當上一份咁有意義嘅工作! 可惜, 呢位朋友將我由細到大對教師呢一種職業嘅印象徹底改變咗. 換來嘅感覺係 – 為人師表嘅操守係應該誤人子弟, 係課餘時間, 用電話同女學生爆Flirt! 呢D因素, 令我可恨自己無資格成為教育界嘅一份子.

我呢位教育界代表嘅朋友, 外表平凡但內在美真係滿到瀉曬, 中國歷史與文學無一不知曉, 我行我素同永不隨波逐流. 最愛看另類電影又好有個人目標. 佢話要儲錢去日本遊學一番, 目標同嗜好都可以咁Match, 好難得! 相信佢短期內就可以實行呢個目標同為國捐軀… Sorry, 係爭光先啱! 講真, 我真係好少朋友咁有理想同完全唔受外界影響, 可以咁從一而終去為理想而奮鬥.

其實我同佢完全係兩個世界嘅人, 呢段友誼完全係上天嘅安排同緣份. 令我們相遇, 全因SNK嘅真侍魂, 餓狼伝說3同拳皇95. 回想起, 圍繞我中學時代嘅一班朋友都係機佬. 真係好懷念當時我哋每個星期嘅機的約會!

隱形人

一班人入面, 佢唔出聲真係完全唔會察覺到佢嘅存在. 曾經佢同我講過一種關係嘅感覺, 好似叫做這麼近那麼遠? 唔太記得, 但有時真係好難界定佢係低調定慢熱? 同佢咁熟, 都要人好似當佢係車咁開到行一行先爽! 如果同佢玩吓一個沙漠嘅心理測驗, 相信佢個立方體一定係好大好大同載到滿滿嘅液體!

經常都目無表情, 憂鬱, 呆板同將自己上鎖, 係佢比人嘅感覺, 但一D都唔討人厭! 之不過, 隱藏係呢D表面嘅背後, 其實佢不斷毒害身邊嘅朋友一齊上賊船, 打波係, 玩具又係. 簡直好比沙淋毒氣事件嘅幕後黑手 – 麻元章晃一樣, 咁無良! 真係可以成立一個邪教, 當上教主之位! 到時有好嘢要多D益吓好兄弟呀, 至於賊船呢家嘢, 導D教徒將個教義不斷咁傳開去. 相信已經有好多人不幸中咗招啦, 社會要正視呢個問題呀!

講少少心底話, 其實我係好在意呢一位教主, 知道發生係佢身上嘅不快事有好多. 明白對佢嘅打擊好大, 完全係愛莫能助嗰隻! 不過我相信時間可以証明一切, 所有事都會過去的! 你一定會重見一條光明大道只要唔好放棄, 就好似你個教會咁, 長做長有, 唔洗擔心!

孩子王

只要係洗錢同玩有關嘅, 佢都一定好. 玩具相信係佢現時嘅最好朋友亦係佢嘅消暑良伴. 永遠一副玩世不恭嘅樣子視人, 看似無肉無求, 但其實內心空洞洞又有誰可以將冰山劈開? 認識此人耐咗, 更加覺得佢好鍾意將自己收藏起來, 看似成熟但很流於陰沉嘅一面! 自我中心派嘅黨員, 多數係固執同有自我嘅見解, 呢一點我好明白!

唔知點解, 與你溝通總比我嘅感覺係唔得痛快? 太過保護自己或有第二D原因? 可能工作經驗尚淺嘅我, 無咁高智慧去同你溝通. 但係有時人如果唔可以以真面目視人,別人係好難察覺到你想點! 唔好再經常搵借口去壓抑自己嘅真性情, 忠於自己係好, 但口不對心, 騙到人, 騙不了自己! 想做就去做, 思前想後, 有時實在係浪費緊自己嘅時間! 呢個年代, 絕配真係可遇而不可求, 都唔知話你要求高定話你有特殊癖好?

為自身將來打算, 相信你已經有諗過同實行緊! 好應該比個機會自己同比個機會人, 以你嘅條件, 係香港地絕對有市場. 只要有時心態上唔好咁麻甩同學吓大方一D, 一定有收穫! 不過你呢期紅啦, 自從賣阜過寶島返嚟之後, 成個貴曬, 即刻上咗一線咁滯. 而家唔識人啦, 唔洗理吓本地市場D Fans啦! 真係飲水唔思緣呀!

大男人

認識咗好耐嘅朋友, 由相識到現在, 他的高度都從沒有改變過! 此人特質: 鹹濕同多毛, 係一隻不折不扣嘅小猿人. 我們有好多好攪笑嘅回憶, 例如我點佢飲奶可以增高, 點知佢真係去做, 之後變咗一隻小白豬但D毛多到由山頂望落去都睇得好清楚!

好多人都會尊稱呢位前輩, 好似"哥", "爺", "叔”"呀咁! 叫佢"仔"嘅話, 佢會回應你一句:你唔好去死! 大都唔比, 而家D人真係惡! 說實話, 此人其實係鱷魚頭老襯底, 個樣好似好惡, 實質係一隻貓, 重要係好溫馴嗰隻! 心地好到不得了, 亦係最多心底話嘅一個! 我見住佢由山雞變成鳳凰, 而家佢嘅自信心真係好強, 假以時日佢必定會得到佢應得嘅嘢, 我睇高你一線!

佢有好多地方都值得我去學習, 好似堅持同點樣去將胸襟放開D. 性格其實真係會影響命運! 此人, 行嘅路唔係多我好多, 但見嘅人一定比同年紀嘅小朋友多好多! 呢一刻不等於一切, 所謂學無前後, 達者為先. 未到最後一刻都唔好認輸, 我期待係你身上發掘更多新元素同新思維!

摩托人

他, 總給人的印象是一個好人, 一個很隨和的好好先生. 除咗玩以外, 佢都唔太計較在意得失. 但又經常將一D雞毛蒜皮嘅事掛係口唇邊, 令自己比人入到爆, 呢D都可算係佢比較起眼嘅美德. 以佢份人咁抵得諗, 一百蚊任做真係唔算貴啦, 咁好生意係實至明歸!

呢一位朋友嘅嗜好可謂動靜皆宜, 愛攝影又愛看書亦愛在公路上風馳電制. 在他的網上日誌, 字裡行間總帶點感性與內涵. 真係有才華而不造作. 有無人唔同意我咁講呀? 另一方面, 晚間時份佢會相約一班志同道合嘅車友, 一齊上演一幕烈火戰車. 依我個人覺得他戴上頭盔嘅時候, 真係勁似劉華, 有型到爆! 有機會大家一定要留意留意! 但除咗頭盔之後, 就好似恐龍戰隊嘅成員咁低調, 唔想咁Eye-catching. 可謂真人不露相, 露相非真人. 真係有苦自己知嗰隻!

好勝心不太強嘅人, 其實意志力係比較薄弱. 作為一個四寫五入快將三十嘅男人, 我覺得應該唔好太安於現狀, 可以衝嘅就應該不惜一切, Keep住個勢就去馬. 不然的話, 時間同體力就好似你嘅身體髮膚一樣, 越大越少! 到時真係喊都無謂! 應該為自己定下一個目標, 努力奮鬥到底!

先入為主

打響頭炮嘅係一位近期清減咗好多嘅朋友, 今次呢個Concept係佢俾咗Inspiration我先構思到一點突破. 所以由佢作為第一砲係對佢最高嘅致敬! 假如有一天我成為公眾人物, 呢一位朋友絕對不能留活口, 事關她知道我嘅嘢實在太多.

她, 是一位對自身要求極高, 好勝但又好理智, 樂觀而多愁善感但又好自得其樂, 從事傳媒工作嘅朋友. 一個Game已經可以滿足一整天時間. 如果佢係男仔, 一定係一個極富情趣但風流成性嘅好色賤格狂徒. 可是天對她好唔公平, 比少咗D嘢佢, 令佢成為一個有缺憾嘅正常女子! 唔好誤會, 我相信她有80%鍾意男人. 斷背應該無可能發生係佢身上!

經常同我唇槍舌劍嘅佢, 唔發白日夢嘅時候, 總係戰鬥格到底, 永不言敗. 經常將D事實用另一個角度去表達出一個令人火都滾嘅版本. 撩打指數達10級, 真係普通人喺街見到佢都想一把掌摑落佢度! 不過, 外剛內柔嘅佢都有好女性嘅一面. 只要將要求降低一D同打扮番女孩子 (想嘔)一點, Fans應該唔止電車男一個咁少! 信我, 以妳嘅資質同健談嘅個性, 小貓子同無鼻樑妳一定食硬!

個標題其實好襯妳, 相信妳一定知道點解! 都唔明女仔之家點解咁鍾意學人先入為主?

Prelude - 在我身邊

寫Blog生涯已經差不多一年時間, 經常老生常談有點兒千篇一律加上靈感與題材亦沒有受日常生活嘅衝擊而變得開始悶! 所以想開一個Project型式嘅課題, 而題材當然係同我身邊嘅朋友有關啦!

之後嘅十一次Update, 主題都會圍繞經常出現喺我身邊嘅朋友仔女. 我會用個別篇幅逐一去介紹佢哋, 根據我對他們有限度的了解同認識, 去描繪出屬於他們的一篇文章. 順便將佢哋Promote出去俾有緣人. 敬希各篇章的主角留言, 敬請留意!

分裂

人格分裂, 是都市人的通病. 對住屋企人一個樣, 朋友同老細又係另一個樣. 所以殘酷一叮同巴士亞叔咁受歡迎係有原因!

長期工作受壓, 又無途徑去舒緩一下. 輕則荷爾蒙失調, 重則精神錯亂. 真係死就一世, 唔死就大半世!

無間道生活, 其實每個香港人都扮演緊! 放咗工之後, 我同人講, 我係差人, 邊個知呀? 都市人, 幾低能都有, 相信更有一個係左右!

半成年

個人覺得成年的法定年齡唔應該係21歲, 因為精神年齡往往係比較遲熟! 貪玩嘅成年小朋友通街都係, 個人覺得他們是自由行以外消費能力最強嘅一群!

作為他們嘅一份子, 活在當下應該感到高興. 事關80歲回頭看, 曾經歲月燃燒. 懂得調節控制, 工作時工作, 遊戲時遊戲. 半成年的定義應該如此!

成長的短髮

琴日轉咗個新Look, 未試過剪到咁短, 好Fresh! 我諗應該三個月都唔洗去剪頭髮.

以下係我屋企人見到我個新Look嘅反應: -

亞媽: 個咩剪到成個一丘和尚咁呀?
回應: 同金魚比較, 我個人鍾意木魚多D, 所以唔介意做和尚!

亞哥: 嘩! 你啱啱出冊返嚟呀?
回應: 未入過冊, 唔清楚, 不過出冊應該仲短D. 大不了你可以問吓你以前D好朋友分享吓!

家姐: 叫咗你平時唔好咁寸, 而家得罪人啦?
回應: 我重未學滿師, 重要向你多多學習!

以上三人睇我唔順眼係可以理解, 但好似到目前為止都無幾多個欣賞我個新Look, 但係我自己幾鍾意呢個髮型. 真係好舒服!

滄海遺珠

沒有運氣的天使; 是命運嗎? 性格改變命運, 定命運影響性格? 到呢一刻都沒有人找到答案!

有人說, 千里馬沒有遇上伯樂, 只是一頭好普通嘅馬. 但如果伯樂沒有遇上千里馬, 便不會有伯樂這稱許!

好, 受別人讚賞才稱得上. 孤芳自賞的才不叫人希罕!

際遇, 好比一切更重要. 你們覺得對嗎?

名牌

好耐都無同媽咪行過街, 不過呢個星期二收工同佢行銅鑼灣SOGO, 買咗三大袋戰利品. 她真係一個不折不扣嘅購物狂, 完全無金錢嘅Concepts!

短短個半鐘, 我同佢各人花咗差唔多五千蚊! 每人都買咗個名牌袋. 講真, 個袋其實唔太值咁貴但經過無Comission分但Sell得最落力嘅媽咪出動咗佢嗰三寸不爛之舌... 最後我俾佢K.O.咗! 平時只有我Sell人, 好少俾人Sell番轉頭, 今次真係老貓燒鬚呀!

呢D應該係遺傳. 我唔係指購物狂, 而係嗰種見到朋友買嘢嘅"喜悅"! 真係好似我好心導D Friends買嘢咁爽! 我諗我亞媽都有呢種咁變態嘅快感, 呢D唔叫遺傳, 可以叫咩呀?

青檸一片天

今期推介, 好勝Gigi新碟 - "成長的短髮"內的一首清新小品比大家. 歌名好特別, 叫做"青檸一片天". 好耐都沒有聽過一首咁Positive嘅台式廣東民謠歌曲! 希望大家都會鍾意!

doo doo doo.... da da doo doo doo....
di da....sour.... it's sour sour rain
遇見某少女哭得心碎 望向我眼淚跌進雨水
像控訴昨日理想粉碎 但你要放下過去豁出去
di di di da 幾下心跳聲 di di da da 像雨水動聽
你若固執聽不到一切笑聲 rain rain rain rain 雨過了然後冷靜

像青檸的天 間中雨水會帶酸 嫌未夠甜 你要設法轉變
像青檸的天 到底每天會新鮮 清香中滲甜 期待你吃一片
di da....sour...it's....sour sour....rain

又看見少女孤單一個 為錯愛昨日放肆太多
像看見某個當天的我 但我已接受過去不枉過
di di di da 幾下心跳聲 di di da da 像雨水動聽
你若固執聽不到一切笑聲 rain rain rain rain 雨過了然後冷靜

像青檸的天 間中雨水會帶酸 嫌未夠甜 你要設法轉變
像青檸的天 到底每天會新鮮 清香中滲甜 期待你吃一片
裂開的天空 間中會舖滿污煙 持續皺眉看世界更討厭
像青檸的天 到底你不會看穿 酸味味滲甜 其實種滿溫暖

像青檸的天 間中雨水會帶酸 嫌未夠甜 你要設法轉變
像青檸的天 到底每天會新鮮 清香中滲甜 期待你吃一片
di da....sour...it's....sour sour....rain

Y3

上星期六, Y3舉行咗一個Fall & Winter' 06-07嘅Fashion Show同Party. 玩嘅人應該玩得好開心, 而我就熱到想死! 當時見到好多着到好似無着嘅PPP (果三個靚女(?)教我嘅新Term - Professional Party People), 場面更令在場嘅男工作人員熱上加熱, 真係火都嚟呀! 啤酒都好難可以將體溫下降!

呢個Event, 令我覺得好有大自然感覺, 事關在場隨處可見滿到瀉嘅雙峰同原始時代感極重嘅布少少衣著嘅夏娃(s)行黎行去, 真係令人鼓起一種好原始嘅求愛勇氣, 就係用原隻大雞鎚將獵物扑殺, 再將之拖回山洞去! 爽呀, 爽呀~~ 真係唔飲酒都嚟唱吓藍妹啤酒嘅廣告歌 - I'll be waiting for the girl like you and come into my life ar ha! I'LL BE WAITING (要有少少走音先叫唱得好)~~~

美麗之最

美麗的定義是什麼? 何謂美麗? 內在美定樣貌的美呢? 當然, 兩者都發生在一個人身上便Perfect! 在男生眼裡, 第一眼, 外在美必定留下一個絕佳的良好印象! 而內在美只是一個認識久了的大發現, 只是沒有別的感覺選擇出現而找發展的借口!

最近, 在麥當勞看見一位自己有心跳感覺的女生! 她是一位Trainee, 有好甜的笑容同一雙水旺旺的大眼睛. 我想她也察覺到我看了她好一會兒! 我估她還在求學階段, 因她的臉還能發現一點天真! 現在的感覺, 好像談不上叫暗戀, 因我已沒有暗戀的那一份勇氣, 應該叫欣賞! 好像星探一樣, 找有Potential的途人去當明星似的! 可能, 她只是一位青春無敵的普通少女. 只是, 在她的臉上找到我內心的一點欲望! 或許, 我太久沒有接觸過比自己年紀小很多的朋友!

品味這東西, 每個人都可以很不同! 不能說一個人Good or Bad Taste, 只能說每個人的品味不一, 天下間沒有絕對美麗和世紀醜怪. 最; 只是一個助語詞! 它沒有特定義思, 只有一個信念, 叫人不斷前進的夢鄉!

恢復自由

好像時間回到剛剛畢業時, 只是心態不一樣, 更了解自己同多了一份選擇! 要將夢想化為現實, 係需要一點時間, 唔可能急!

忽然間, 多了好多工作在身! 有時真係覺得自己顧慮太多! 平常心同在無重狀況下, 表現都比預期的好! 怪不得自由身多麼的受歡迎!

由零開始

給一位年紀同人生經驗都比自己豐富的朋友提點過, 真的使我獲益良多. 方向感立即返回來! 好多謝你 - Simon. 放咗咁多錢落我袋, 無非都係想我唔好再浪費時間同要我鼓起勇氣去行我應該走既路!

三個月時間, 由零開始呢個我自己人生既大Project要展開! 我希望係三個月之內可以重新再起飛! 係呢段時間, 我會不斷Upgrade自己, 去準備我既新開始! 到時再請你食飯~

嫁妝

時間過得很快, 轉眼朋友已經結婚了, 有一點回憶同感慨! 好開心見到妳得到幸福, 希望妳新婚愉快! 係Friend先同妳講, 男人唔鍾意脾氣大既女人, 唔好好似做女咁大脾氣呀, 學吓做個入得廚房又出得廳堂既好老婆! 我相信妳一定做得到!

記得下年新年派利事比我呀, 陳太~~

滾

我最鍾意既兩隊球隊 - 巴西同阿根廷都相繼緣盡世界盃! 好可惜~~ 巴西既表現令人好失望, 完全發揮唔到他們應有既水準. 而阿根廷既表現已經很出色, 只是他們得不到幸運之神既眷顧而已! 事實歸事實, 看回頭已經再沒有意思, 就看看今屆由誰稱冠! (因同朋友打賭既關係, 我百分百支持法國)

有時期望越大, 失望便越大. 相反, 在沒有期望下, 可能有意外收穫! 好似看見朗尼因衝動而被紅牌出場, 球迷可能會覺得他應有此報, 但前因後果只有他自己最清楚. 年少氣盛, 吸取了今次既教訓, 相信他下一屆世界盃一定會學懂如何控制情緒同成熟一點. 他有絕對既青春同時間去再磨練自己!

現在既喪屍臉同Black Circle真係非常SOS! 不過還有一星期, 世界盃便曲終人散. 日常生活便可回復正常, 唔洗買嗰隻Everyday New Face, 都可以同我既黑眼圈講Bye Bye! Cool~~

搖瑤

今日收到一個紅色炸彈, 好高興見到我身邊的朋友得到幸福同活得有價值. 由心所發出來的幸福是最叫別人羡慕不已!

我看見今天妳的自信, 已經完完全全擊敗了妳昨天的不快. 踏進人生的新一頁, 希望妳與他會堅守對大家的承諾同珍惜對方, 好讓愛惜妳和妳另一半的親朋好友相信幸福是存在和沒有期限! 我深信妳倆必定做得到!

找到一個自己可以付託終身既伴侶, 証明人生係充滿希望同色彩. 妳告訴我知道這一個道理, 多謝妳! Once Again, Congratulations! 送妳們一首歌:-

愛情那天開始, 如此的不經意. 純情和原始, 人忘掉矜持, 全沒有懷疑! 愛情那天開始, 像我被完全賞賜. 呼吸的拍子, 都想講你知, 喜歡這份感覺 喜歡這樣詩意~~

願賭服輸

四年一度嘅世界盃不經不覺已經開鑼咗成個禮拜, 我都係琴晚先叫做有時間去感受世界盃嘅氣氛.

三場賽事對我來說真係有點吃力; 去到意大利對美國嗰場, 因有投注嘅關係, 心情好高漲但因一球烏龍波, 不但令我輸錢還輸了一晚心情! 未到下半場, 我已經體力不支!

二個星期嘅新工作, 令我體會到有一D環境空間我係唔可能活下去! 勉強下去只會苦了我自己, 呢一個Training可一不可再, 修業過後, 我要好好咁休息一陣!

一個月時間內, 將我對人生嘅價值觀改變咗好多, 有所領悟. 時間有時真係需要浪費過, 才會學懂去珍惜!

歲月如歌

歲月不留人, 轉眼間已工作了差不多四年. 有些朋友亦已經和另一半展開人生的另一頁, 想唔認老都唔得! 自己經常都為將來而擔憂, 我想我的另一頁應該會將此該的憂慮一掃而空好一陣子!

信心告訴我知, 無論我的前路有多難行, 相信我有足夠能力將它們一一擊敗! 成長本應充滿很多很多失敗和挫折, 要有勇氣去面對方能成大器. 原地踏步使我錯過了很多也令我浪費了不少時間! 但相信過了下星期, 現在的生活都會有所改變!

係我既好朋友睇到呢一篇文章, 將來一定要時常提醒我, 唔好比我輕易放棄, 痛罵我都無所謂! 因為我既心魔經常左右我既自信心! We are just at the furture' entrance, no matter any good or bad set ahead, we'll always beat them down and go forwards. I need all of you stand by me and support me to reach my goal.

運

命運有時好鍾意捉弄人, 機會總係時時刻刻擦身而過. 人, 可能一生都找不到自己要行的路, 或者, 知道而行不下去... 下一秒, 好不好? 沒人知道! 我只知道, 這一刻做好自己便已足夠!

無須擔心

安全感同信心兩者關係正如唇齒相依, 缺一不成! 擔心得太多, 路便更難行下去! 今天我深深地感受到為何長輩總是教我正面思想的重要, 真的一生受用!

亞Q精神, 船到橋頭自然直, 這思想真是能使人活得心靈平靜一點! 自我控制得宜, 真的無需想太多亦不宜太在意別人怎看自己. 忠於自己的意思行事, 沒有傷害別人, 何不對之有? 信心由內心自然地流露出來, 假裝的, 騙了人, 騙不了自己! 最了解自己的人, 對鏡看看便一清二楚!

每當下雨天, 腦內總是突然閃出一個電視廣告 - 生命滿希望, 前路由我創. 每天簡單易明直接地不停在我們的日常生活傳播着! 無須擔心, 恐懼便無從入手, 怕什麼? 什麼也不怕!

The Best Is Yet To Come

Recently, I thought a lots! It's the right time to change my sightseeing life journey. Let's get well prepare my next footstep, no matter what I will being, I have no regret at all!

After refreshing my mind, I moved forward to be a little smart person If I compare with my past. Now, I know what I really want to do and want to be, let's go forwards to my destination and live in a little paradise under my ideal brightest sky. Cool~~

Forget my past, never look back and move ahead. I will see my soul come shining through, my life is full of colour!

十分‧愛

除了我自己以外, 我十分愛: -

電影 - Catch Me If You Can
鞋 - Converse
電玩遊戲 - Final Fantasy Series
隨身聽 - iPod nano
手錶 - IWC
本地歌星 - Kelly Chen (陳慧琳)
手提遊戲機 - NDS Lite
流動電話 - Nokia
漫/ 動畫 - Saint Seiya (聖闘士星矢)
歌曲 - When You Say Nothing At All

有品味 (Taste) 嗎?

晴天, 陰天, 雨天

上星期過了好幾天雨天;
星期天沒有好好地利用美好的晴天;
本星期我好像活在陰天下.

說實話, 這星期的天氣不是那麼差, 但我每天的情緒好像過山車一樣大上大落. 相信現在每日的生活環境好快就有所改變!

期待明天是我的心情開放日...

下雨天

成個禮拜不停落雨. 好討厭! 難得有三日假期, 原本打算與三五知己踏單車去, 可惜因為落雨同又有個Friend做咗Disable嘅關係, 健康活動又要被迫取消!

難得有健康活動攪, 與陽光有個約會, 可以同佢接近多D, 最後都係無法達成, 呢D都應該叫做緣份同命運! 好想快D再有機會好似上年咁成班Friends去沙灘走走同燒下雞翼. 事關黑版工作快要將我嘅活力迫近谷底, 我需要大解放, 釋放自己同釋放工作給我嘅不滿!

雨後陽光, 我等得妳好苦呀!

流行曲

今次真係想真真正正咁係呢度談談音樂. 自己由細個4-5歲開始已經受家姐影響, 好鍾意聽歌. 我諗同我年紀相約嘅朋友應該無幾個同記得林姍姍係出過唱片! 其實我細個係好鍾意聽林憶蓮, 林姍姍, 陳慧嫻同張國榮, 因為我家姐愛到佢哋死. 好記得家姐有次講笑話: "如果哥哥見過佢就一定唔會攪基~~" 我覺得好攪笑!

我自己比較鍾意聽一D較輕快, 有含意同無咁悲嘅歌. 好似許志安嘅心靈相通, Shine嘅伊利莎伯太遲來,曼谷瑪利亞同半成年, 何韻詩嘅水花四濺同沙, 重有陳慧琳嘅最佳位置同大日子等等... 其實重有好多好多一時間唔記得同不能盡錄! 至於近期自己比較欣賞嘅新歌手有側田, 吳雨霏(Kary)同王菀之. 特別係王菀之, 我覺得佢把聲好溫柔同好有大自然嘅感覺! 至於我自己覺得比較滄海遺珠嘅係蕭亞軒, 有型有格同聲色藝俱全卻突然消失咗! 好鍾意佢有呢幾首歌 - 給我重新愛你的機會, 明天, 天使暫時離開同我愛你那麼多. 重有係偶像男子組合 - Shine嘅歌我都覺得好有意思, 例如燕尾蝶同曼谷瑪利亞等等...

知道好難三言兩語咁係呢度表達我有幾鍾意聽歌, 就當我無病呻吟或知少少扮代表啦! 但如果有興趣嘅講, 可以搵日同我交流一吓你哋對聽歌嘅喜好. 流行曲或廣告歌都可以! 唔知我哋聽歌嘅品味一唔一樣呢?

身體健康

每個週末都玩到得番半條人命同飲到醉醺醺! 原本諗住呢個禮拜可以休息一吓, 但命運嘅安排下, 今晚都係要出動, 畀面派對, 無得推!

呢排真係玩得多咗, 喉嚨痛到一直無好過! 醫生問我點解次次唔舒服都同喉嚨有關? 我都唔知, 唯有答佢我都唔想病! 我諗我真係要好好咁休息一兩個星期, 早D瞓同飲多D水先得! 唔好成日玩通頂!

我只想...身體健康......要活到八十歲......

今期流行

自問自己係街嘅時間多過係屋企. 所以我從不吝嗇去購買隨身電玩! 昨晚係睇黑社會2之以和為貴之前買咗今年送畀自己嘅生日禮物 - NDS Lite~~ 重要係最靚嘅Crystal White! 連同NDS Lite一齊買咗兩隻Games, 分別係俄羅斯方塊同左腦之達人. 玩法簡單但用嚟消磨時間就真係一流!

我自己本身都好鍾意一D簡單嘅色調, 特別係黑同白! 衣著方面, 我會比較大膽一D, 色彩鮮艷少少都接受得到! 至於日常嘅Basic Gears, 多數會係淨色 - 黑, 白, 銀或者藍. 因我嘅為人比較低調! 但有時玩起上嚟, 要盡興, 行為放任一點實在在所難免! 唔好誤會我人格同精神分裂呀, 我只係盡量配合我來自四方八面嘅朋友. 如有得罪, 請多多見諒!

明年今日

今日又老一歲啦! 呢兩年生日都有一大班朋友陪我渡過兩個難忘既生日派對! 重有係由今朝到呢一刻, 手機都無間斷地收到Messages, 好開心有咁多朋友記得我生日. 多謝曬各位!

上年生日我醉到不醒人事, 重瞓咗成三個鐘至醒, 失禮死人! 但今年既感覺完全唔同, 無上一年咁瘋狂, 但開心既氣氛反而有增無減. 唔知係唔係自己已經習慣咗酒精? 定話自己無上年飲咁多呢? 無論點都好, 呢兩年既生日都係好難忘嘅! 明年今日, 我希望我既狀況會有明顯既變化, 不論係工作上定生活上都想與現在既不同!

說真的, 其實今日自己心情真係唔太好, 可能受藥物影響, 成個人好無Mood! 寄望明天一覺醒來, 心情會開放一些! 最後係十二點前, 同自己講一聲 "生日快樂, 心想事成"!

你快樂(所以我快樂)

今年生日派對我真係特別開心同高興. 首先要多謝每一位有份出席派對的好朋友們, 重要特別多謝為我準備咗壽包的人 (我重未到八十歲), 希望各位真係玩得開心啦! 其實我見到你哋開心, 我就會好自然咁同你哋一齊開心! 因我今年其中一個生日願望就係我既朋友會活得更好, 我相信你哋一定會令我願望成真!

其實有時朋友如果真係攞個心出嚟交朋友的話, 無論認識時間耐與否, 根本唔重要! 好希望明年今日, 每一位我所認識的都會同我有更進一步的心靈接觸! 我今年生日好快樂, 相信你們亦然! 多謝各位!

伊利莎伯太遲來

每個人心裡都應該有至少一個理想的"伊利莎伯", 它可以是人, 事或物. 而我自己的"伊利莎伯", 它應該是一個感覺; 一個理想得自己應該永遠都得不到同找不住的感覺, 亦是我往上游的原動力. 因為它, 我才可以視自己為我長期鬥爭的假想敵. 好怕輸給自己但亦知道永遠也嬴不了! 因自己永遠都是自己, 做過的亦絕不能自欺欺人!

正面一點, 遲來的"伊利莎伯", 總好過沒有來過! 但說真點, 有幾多人真的遇見自己的"伊利莎伯"和把握得恰到好處? 阿Q精神地想, 每個人總有一日會遇到自己的"伊利莎伯"! 無錯, 人不能無目標和理想活下去, 自信是當下的一片身份証. 當別人不能確認自己時, 表示那個社會或圈子再不能容下自己. 找到屬於自己的, 人才能活在一片天空下, 無論遇到晴天或陰天都能支撐下去! 要開心快樂, 相信應該不難. 但要從心發出的, 定必更為刻骨銘心和難能可貴! 回到現實, 人人都會心頭高, 望中六合彩的比比皆是. 但當一個人心頭高但對自己要求低, 好似痴情歌迷大叫陳慧琳或李嘉欣是自己女朋友, 肥花告訴新相識吳彥祖是她的契家佬一樣... 笑話一則同一名長期精神病患者無分別!

在萬花筒裡看人生百態, 窺探一個人的經歷, 我會從他的耐性去觀察. 輕易得到定得來不易? 一切答案在於經歷和背景. 學會等待便等於人成熟了, 因經日月風沙的洗禮, 人便會看化和淡了, 便會習慣面對現實... 便會相信沒有運氣的天使都總有一天回到天堂那裡去, 真真正正找到自己的安樂窩... 和心中的"伊利莎伯"畫上句號!

新居

放假第一日, 剛好是我間房裝修的大日子. 全新面貌, 好似新居入伙一樣同大咗2倍咁! 而家好鍾意自己間房! 其實間房之前實在太似書房啦, 好多地方都唔係好見洗咁. 但變身後居然可以大咁多, 超神奇!

我相信今次裝修, 等於我的新開始. 真係好想好想改變一吓現在的生活, 好想出去睇多D同接觸其他嘢, 我知道自己唔試過係唔會心息. 無論結果係好定壞? 係點都好, I will on my way anyway, 因我總覺得試過唔Work一件事, 但唔去試就一定唔得! 好希望My Next會好似我既新居一樣, 咁得我歡心同咁光猛啦!

重有係呢度提一提先, 黃道十二宮今次會長期照住細路, 相信它們會好好咁睇住我! 好似佢哋咁咁Charming~~ 你今日買齊一套未呀? 其實要成功, 我好相信要靠自己同睇吓自己既運氣, 我相信我一定得!

學習街童

假期好快又過咗啦! 無點去街, 但同班朋友做咗一晚街童, 係咁大個仔第一次! 沒有獨醉街頭, 但做咗好多比海洋公園D海豹好睇同好笑十倍既嘢, 諗起都想笑!

兒時經常玩既嘢, 原來自己好多都唔記得曬, 只記得一D自己比較鍾意同特別既廣告! 重捨童真定麻醉自己? 我自己都唔係太清楚啦, 但有一樣嘢可以肯定, 就係我無飲醉酒! Nature High有時都幾好Mood~~

就快又大一歲, 希望今年真係可以搵到一D自己鍾意既嘢, 包括人同工作啦!

思覺失調

真係唔可以比自己繼續沉淪落去, 發現我自己近排都幾迷失, 經常言行不一同有少少精神錯亂既感覺. 好多嘢自己知道唔應該同唔想去做, 偏偏做咗! 相反, 有D嘢要下定決心去做但自己又不斷搵借口推遲D至做...

就快又大一歲啦, 真係需要好好咁計劃一下自己嚟緊將來既路要點行. 玩少D應該唔洗死嘅! 係時候要將自己重新定位同制定一個確實既目標! 需要一D時間好好咁諗下自己想點同消化一下別人對我既評價, 我係咪真係佢哋所形容既一類人呢? 好快會有答案!

下一站天后

有時命運呢家嘢真係好得意, 好似好巧合但人為因素又可以構成另一種命運. 好似以下呢一個例子, 看似很玄, 但有心人一睇就會有會心微笑的感覺!

"在銅鑼灣搭地下鐵往柴灣方向去, 下一站係天后. 係天后落車, 往地面出口, 必須經過出閘口. 昨天我在呢個閘口出入過, 另一個昨天有一位朋友都在同一個閘口行出天后. 沒有人知道呢一道閘每日有多少人進出入過, 沒有人知道呢一個閘口重可以用幾耐, 還會有幾多我認識的人會與這閘口相遇呢?"

同一個地方, 大家可能都去過, 但當中的經歷同感覺可能會有差異和因人而已! 有時閘口永遠都只是一道閘口, 見識過, 感受過, 沒有留戀既必要! 增廣見聞必須往下一個地方進發, 人才會懂得成長!

還是覺得你最好

真係唔偷食過唔知邊個好同唔知自己需要D咩, 呢句說話好有道理! 一成不變只會令自己原地踏步, 思想便越嚟越保守, 完全接受唔到新事物!

論樣貌,身形同體重, 你係無一樣嘢輸比佢, 只係有D嘢你唔夠佢大. 但係大而無當, 試問要嚟又有咩用. 有時實際一D比較好, 起碼自己鍾意多D先! 一時貪新鮮, 重親手將你送去第二個人屋企, 念起都覺得好對你唔住.

今次我哋舊情復熾, 我一定會真正咁了解你同放多D時間同你好好相處. 起碼而家重覺得你係最好先!

My Way

Am I able to achieve better and brighter? Something always in my mind, present is not my only deserve at the moment. Will I shine soon? Will I really find a way to reach my ideals? Or I'm always at Crossroad until...

Think in a positive way, redevelopment of my career is high necessarily taking action as fast as possible. I believe I will find my way, a different way to release my talent! Trust me, next time I will show my strength!

沉迷

最近發現一位朋友迷上了一些不良嗜好, 嚴重程度好像與日俱增. 提醒他和向他說教好像有一點那個, 但又想向他說出自己對他的關心. 希望他看到呢一篇文章!

工作壓力大, 相信好多打工仔都一樣, 人總要有一D自己喜歡做的事在放工之後調節和平衡一下. 我自己亦然! 迷戀一樣或多樣東西, 本應是很平常的事. 但過份沉迷, 影響咗自己平日的生活和工作, 便好像對身邊的朋友和家人對自己的期望都推翻似的! 要清醒過來, 必須靠自己不可, 其他人是沒有可能幫到你. 希望你唔好令身邊關心你的人失望!

其實我自己都需要努力學習對自己所做的一切付責任和對別人有個好交代. 因為自己已經真係唔細啦, 真係要為自己既將來設想一下! 經常一副玩世不恭的咀臉, 不可能再長此下去. 調節生活時間表是當務之急!

好

尋最有時好像天方夜譚一樣不著邊際, 亦像紙上談兵! 掌握不到的夢想, 但不甘停下來, 亦不能走快一點! 需要積極多一點才能實現, "好"是爭取的原動力.

唔知自己係唔係貪得無厭, 因我永遠覺得自己在各方面都未夠好, 應該說沒有盡力去發揮, 相信自己應可以有更好既表現! 唔想比自己停下來, 定話我重有更多嘢想試, 還是我真係未遇到自己心目中的"好", 可以令我集中精神, 發揮潛能去真正做好我自己?

最終幻想

重有一個星期, 我最愛的電視遊戲Final Fantasy系列最新作第十二集便推出. 好期待它的畫面會有幾驚喜, 重好心急要將它完完整整咁打爆機~~ 認識我的朋友都應該知道我對它的瘋狂程度有幾何! 相信下星期四之後我便會人蒸間發好一段時間, 識趣的就唔好打攪我啦, 知無?

呢個RPG Game最為香港人所熟識的, 相信應該係其中一集的主題曲"Eyes On Me"係由王菲主唱, 有D印象無呀? 呢個Game其實係Hits到爆曬燈, 有打開機的, 唔玩都一定有聽過, 無聽過就真係要去死!

不經不覺, 最終幻想呢個系列我都玩咗有十二年, 由第五集一路玩到而家, 可算係由細玩到大, 身邊D朋友都會玩, 但無幾個好似我玩得咁瘋狂. 它有一種好特別的魔力, 好容易令人著迷. 我100%推介比你哋! 唔玩都試下啦~~

未有得玩之前, 係度落藥毒害下你哋先, 好聽D就叫分享下它的網頁比大家啦, 慢慢啪啦! - http://www.ff12.com/

隨身聽

現代都市人必備以下之隨身物品:

ipod nano (只限4G)
3G手提電話 (至潮至in嗰隻例如W900i, N6280或綠色TX60)
PSP (好似有D Out但無又唔得) 或新鮮熱辣NDS Lite

以上潮物全部都能聽歌睇相, 故隨身聽定義已不只限於Walkman. 有聲有畫才是21世紀的最潮隨身聽定義. 你今日買咗未呀? 登...登...登...登...

防不勝防

無孔不入, 防不勝防... 小題大做, 無限上鋼, 大造文章... 講什麼都是錯! 玩與被玩, 何必太認真! 你哋班嘢唔好去死!

有時玩樂主義不能長時間持久下去, 我們應是時候進入另一個境地, 去發展一些比較實際的事, 打開我們另一片天空!

一步一生

剛剛看到一位同事的網上日誌, 有一點個人的情感想抒發一下! "人的腳掌向前是因為用來向前走路, 倒後走會絆倒! 眼睛在臉上是要向前看, 才可以專心地找尋目標". 我非常同意!

但從另一個角度出發, 人有時候真的需要停下來, 細心細味的回顧一下昨日所經歷的一些點滴. 因為今天的我, 全是由昨日的點綴演變過來! 體會過, 經歷過, 人才會成長. 假如將來我有日當上了爸爸的位置, 應當怎樣去教導我的小孩子? 我想回憶絕對是一面借鏡, 我亦相信我會很懷念兒時與爸爸相處的日子. 無論是開心與否, 情景可一不可再! 回憶好比是一盒最窩心的錄影帶, 不會受時間磨損和日新月異的科技所淘汰, 永遠歷久常新!

人生有太多曲折離奇和變幻無常; 在前面, 太遠的看不見, 捉不到! 但昨日自己的經驗能夠告訴我該如何去決定將來的路應怎樣走. 我們的眼睛和手腳全經由大腦去控制, 智慧由經驗去增長, 而智慧是腦袋的泉源. 沒有經歷, 看得少亦走不多. 所以我們要為昨日的喜怒哀樂而高歌, 為每一天的生活而乾杯, 以視為人生的最高致敬!

最佳損友

聽完陳奕迅既最佳損友, 我自己好覺得好朋友同損友只是一線之差. 所以今次想講下一D自己的好朋友. 其實他們全部都可以係最佳損友, 點解我會咁講? 係因為我覺得每一個人都會有自己的一套壞習慣, 而這些習慣往往最容易傳染給身邊的朋友. 好似一套語言咁樣, 係溝通的主要橋樑.

從小己經認識的朋友, 往往係最多嘢學的一班超級損友, 是關中學的那段反叛期, 唔壞就一定唔學得好同唔學都精. 現在日子相處耐咗, 習慣咗他們的嗜好同溝通方式, 明知對身體有害的都甘願去試. 好似吸煙同劈酒咁, 現在無一不歡. 當然重有我們一D比較深刻既經歷同成長既點滴係很難忘同好難同別人分享啦! 回頭一看, 我們由土瓜灣成長到銅鑼灣, 呢一班陀地損友, 其實都影響到我幾深遠! 損友指數最高, 下次見面要每人爆一個樽以視為獎勵!

到人生的第二班損友, 海外派; 在澳的一段日子, 我們算唔上真真正正相依為命, 但大家有事就一定好撐大家! 當中以女性居多但男人性格亦不少. 我們會不定期更新好多口頭禪, 有D重好笑到仆曬街! 他們影響得我最深遠係令我忘記個"醜"字點樣寫, 呢樣嘢真係可圈可點. 我們可算係由澳洲結緣, 在香港相戀! 你哋各有所長同特質, 下次短聚既時候, 比多兩錢肉緊你哋, 其實我指我D低能嘢呀! 唔好誤會呀! 走呀, 出去呀, 肥貓咩!

正經一點, 好想告訴我所有的損友, 以下呢一段歌詞, 真真正正是我的心聲, 以此作為今次的結尾! (試幻想一下係我唱比妳哋聽)

從前共你 促膝把酒 傾通宵都不夠 我有痛快過 你有沒有 很多東西今生只可給你 保守至到永久 別人如何明白透 實實在在 踏入過我宇宙 即使相處到 有個裂口 命運決定了 以後再沒法聚頭 但說過去 卻那樣厚...

畢竟 難得 有過最佳損友!

借醉行兇

昨晚和好朋友們相約去了Happy Hour, 之後去咗銅鑼灣CEO Neway唱歌, 基於其中一位朋友係Disable, 所以好快就有房. 發覺Disable都好似幾有著數, 想唔洗等位? 建議下次唱K坐輪椅去, 包保有SO!

玩到悶悶地, 叫咗支Black Label開心下. 開頭狀態大勇, 我一人分飾多角, 有歌姬, 拳手和藝妓. High到爆~ 點知去完個洗手間就嚟料. 不幸和可怕既事情就此發生! 正當我失去知覺時, 我聽到有一D好熟悉的聲音. 無錯係K750i呀! 不過唔係電話響, 而係部電話最標榜的相機功能. 點解每次唔夠瞓都會出事? 這種暴行真係令人法旨, 好比良家婦女深夜回家途中被強姦一樣, 人人得以誅之! 但呢D強暴式行為經常係我D朋友群出現和發生, 好似家常便飯一樣咁屢見不鮮!

在此我希望行兇者(可能不只一個)高抬貴手, 唔好係Internet或其他途徑發放昨夜的相片. 事關她們大多數從事Media工作, 我唔希望係雄風之類的雜誌刊物出現, 本人鄭重發表聲明保留一切有關法律追究之權利.

我的快樂時代

生命裡開心的片段一瞬即逝, 要留住光輝歲月, 人發明了相機. 在這裡分享我的開心片段!

http://hk.pg.photos.yahoo.com/ph/mcw_william/my_photos

真的很希望自己能夠時刻保持最佳的心情!

一對對

昨天是一年一度的情人節, 返工放工都隨處可見到好多情侶和鮮花走在一起. 回想以前的情人節, 總覺得是很可笑的, 因為自己從來不會去珍惜身邊的人, 到失去才知道她們的好. 可能自己真的未遇到一個好鍾意的?

不會寄望明年今日會否有人同我過情人節之後的一天 ? 期望只會令自己失望, 有時隨遇而安和平常心對待之, 驚喜才會有加倍效果. 在此祝各位單身人找到自己真正的需要! 人有我有的心態是一種愚昧, 千萬不要受別人影響和成為別人影子下的一個傀儡. 懂得愛自己才能去愛和被愛!

懂得愛自己, 應該可以讓自己聰明一點! 懂得愛自己, 我才明白原諒你 會快樂一些! 懂得苦和甜, 懂得相聚和離別, 懂得愛過你, 誰能說不是一種幸福!

煙霞

今日的天氣好差, 睇新聞才知道從山頂望下去, 煙霞令到我們幾乎睇唔到高樓大廈咁. 又知道未來的二十年, 香港的氣候會變到好似無冬天, 冬季的溫度最低只有十二, 三度左右. 全球氣溫上升影響到人的日常生活都改變了.

星星

好鍾意劉浩龍一首沒有派台的歌, 又係由黃偉文填詞. 收錄係Past & Present的大碟入面, 歌名叫做星星.

喜歡我的 說話夠惹笑 碰見那天 你話我 最似周星星 當天你或者 喜歡我任性
可惜這天 這樣引你笑 你會覺得 我沒有 你要的溫馨 不管說什麼 都不再動聽

原諒我只精於講笑 其餘未講清 彷彿怕肉麻 待你好 卻未承認

從來亦未會正正經經 情人在問 何時才轉性
平平實實按照你所需給反應 如若愛定你請
明明白白說說我心聲 浮浮蕩蕩 何時才會坐定
承諾要是當玩 分手趁年輕

一本正經 我亦試過了 愛侶到底 要負責 教對方知曉 一起有什麼 比嬉戲重要
可惜我的 說話太惹笑 眼看這刻 我共你 已快將觸礁 心中正著急 開口卻亂了

其實我都很清楚我 年齡亦不少 該收斂下來 學會怎 製造情調

從來亦未會正正經經 情人在問 何時才轉性
平平實實按照你所需給反應 如若愛定你請
明明白白說說我心聲 浮浮蕩蕩 何時才會坐定
誰願最後嫁給 這攪笑巨星 心領

為何現在 卻戰戰競競 遲遲鈍鈍 仍然無法確定 情話太像笑話 問誰願意聽 要命

好似講緊我咁, 勁有共鳴!

Ichiban興奮

一切都準備妥當, 重有幾個鐘頭便出發! 好像水貨佬咁上路去為D客買貨一樣, 萬般無奈! 興幸沒有出三豬電話, 否則後果不堪設想, 一定會演變成鬼來電續集!

其實以上的話只是說說笑而已, 以下先至係本人真正要對我D好朋友要講的話! 我必定會盡我所能滿足你班咁有人性的"好"老友, 知道我賤骨頭又能者多勞. 去旅行都比咁多嘢我去做, 毫不客氣同咁有"雷"去交D重任過我, 真知道我心意. 你哋對我好, 我知架~~

其實要報答我的話, 都唔太難, 方法重好簡單! 等我返嚟之後, 請我去對面海一時無兩, 咁玩三四次就Level Off啦! 我易話為, 你哋都應該知架~~

長話短說, 希望各位狗年事事順利, 身體健康. 狗人狗事咩都好啦!

威廉古堡

威廉古堡裡有各式各樣和型態不一的獨特思維, 外人不能容易理解. 古堡與威廉度過二十多個年頭, 需要改變的經已改變, 不能改變的依舊不變.

相處好深奧, 不同人有不一樣的相處方式但沒有一種計算方程式可以找出一個Model Answer. 一分鐘的偏差, 答案可能已經有極大的分別. 從來數學都不是本人的強項, 還有一點厭惡, 偏偏自己總離不開這一個邏輯課題, 沒有去逃避但面對亦可怕. 一個人的力量有限, 氣量也不太深. 吃力不討好正正如此.

放不低, 只因有情, 離不開, 全因無力...

我不是好人

近期至愛歌曲, 由新人側田主唱. 超好聽!

明天 一早 待夢境都散去 王子 公主 還原普通愛侶
餘生 都想一起 然而我卻心虛怕 破綻 會給檢舉

擔心我 待你好 未夠好 熱戀真面目 遲來一步
經已力求完美 難像你要的好

我未夠好 你別投訴 來日我試試 可否給你更好
平庸像我 正在苦惱 當我不足給你找到 我怎麼好
You Are So Beautiful

明知 高攀 實在攀不到老 查找 不足 重頭修改配套
誰怕 完全轉性 若你說我就做 但最後 難保 週到

擔心我 待你好 未夠好 熱戀真面目遲來一步
經已力求完美 難像你要的好

我未夠好 你別投訴 明白到似你 應該得到更好
平庸像我已甚苦惱 怎去改
使你的今生更好 不要灰心得太早 我未夠好 你別投訴

如留住我 繼續效勞 定有天抵銷得到 就怕分手之後 那日還未到

好人是否真的由別人去界定?

簡約主義

簡單的生活正是人人都想擁有的仙樂都. 那裡好像平淡得很, 但平凡正是人生中最理想的烏托邦. 難度在於時間不會逆水而流, 人永遠都不能回到過去, 烏托邦只會在童話故事裡才會出現, 才會珍貴...

近期自己試了很多新東西, 有一些是以前很反感和以為永遠都不會去做的事. 但試過和用過之後, 發覺沒有像想像中那麼差, 先知道以前很多東西在沒有探討過和給予機會便判了它們死刑. 現在知道執著令自己錯失了很多快樂時光和美好東西. 好像從前自己對某牌子的手機很厭惡, 但近日用了一陣子, 發覺它很好用亦沒有別人說得那麼不滯. 這事件上我發覺"堅持", 像一道牆壁阻礙自己成長一樣. 如果思想簡單點去看待任何事物, 讓事情順其自然一點去發展, 驚喜先會在面前不斷出現. 快一點和慢一點基本上是控制在自己手裡, 快和慢只是人自己怎去調節和界定, 適應才能生存.

烏托邦是一個很遙遠的國度, 但凡事以平常心態對待之, 心靈上的烏托邦是不難到達. 將眼光放遠一點, 總有一天會到達我的目的地.

P.S. 原本這個標題是屬於上一篇文章, 但發現有更多自己的意見想在此話題上和大家分享. 才會突然改動了上一篇的標題!

美好的原點

好的開始是成功的一半; 一切從簡, 應該是我今年的重點學習課題. 事關以前自己好怕悶, 好需要有朋友的支持. 現在應是時候去學習如何沉默不語地適應和享受平淡自然.

重新界定自己想行的路和大方向, 我諗應該是時候去將自己改變一下, 孩子氣Stranger的一面係時間要同大家說一聲Bye Bye. 他會以全新的姿態和態度去處理工作和感情, 所以有興趣和重好鍾意小朋友Stranger的朋友, 好快D約他去狂歡一番. 不然機會一過他便不會再醒過來, Stranger將只會在我和你們的記憶裡會面.

正正經經地建立人生目標和關係, 應是進入下一個State的開幕典禮. 還有更多支節需要去學習. 我的意思不是唔去玩, 只是玩法會和以前有些不一樣. 玩, 也要成熟一點地玩. 希望今年對自己許下的承諾能夠達成.

出界

好耐都無更新和發佈文章. 今次只是過場性質咁講吓自己都幾鍾意的一首國語歌 - 出界.

這一首不是太Hit的國語歌, 而我自己本身不是太喜歡鄭秀文的國語歌. 但真覺得"出界"好好聽!

你說明天 就等明天 明天似乎離我太遙遠
我在思念 只能思念 用思念填充沒有你的夜
寂寞沖破了底線 在心中盤旋你 看不見
任由心痛在蔓延 怎么勇敢去跨越 跨越

怕感情出了界 (你的愛還在不在)
全世界都在變 (我只為了你存在)
你縱然不言悔 卻從不曾了解 我要的不過就是能安定的感覺
怕真心出了界 (怎么說你才明白)
我已經走不開 (幸福的門為你開)
別只給你的愛 卻不給我未來我用什么等待

遊樂場

二零零六年一月一日去了一個位於銅鑼灣的遊樂場, 一個比迪士尼樂園更好玩和更富童真的奇幻世界. 內裡充滿聖誕和新年氣氛, 熱鬧非常! 是今年的第一個相當難忘的好地方.

在遊樂場上巧遇李嘉欣, 何可, Funky Lolita 和亞旺新傳內的亞好等等, 不能盡錄. 亞好還用手機為我拍了多張照片. 感覺多麼親切, 好不愉快! 可是她們真人和上鏡實在相差太遠, 實在是一大遺憾. 令本人最失望是, 原本一心想去見識伍詠薇的風采, 但找遍全場也不見她的蹤影, 最後只好放棄找尋她的芳蹤, 與其他新相識混熟一番. 最後大家也一樣玩得相當開心, 盡興而回!

我想這一種遊樂場式Party不能經常會有Invitation, 但如果再有機會的話, 我想我一定會再次盛裝出席. 在此特別鳴謝三個主辦單位 (排名不分先後) - 豆腐, 蛇羹和導遊 (全是化名).

長信不如短訊

新年快樂! 昨晚和今日都不斷收到很多短訊, 內容大多數是2006的一些祝賀字句, 感覺好Warm! 開心是有一些是相識不久的朋友和好久沒有見面的朋友Send比我的. 知道他們有心打一個短訊給我, 自己已經好心滿意足. 相反, 經常見面的反而沒有短訊.

自從回港以後, 已經好久沒有寫信了, 可能香港實在太方便, 個個人都有電話, 寫E-mail都覺得唔方便. 近月來, 短訊才剛成為我的溝通媒體, 因為感覺好像實在一點. 一個短訊, 可以代表好多意思, 最起碼可以知道別人還記得在他們心裡有我這一個過客. 因我自己本身也不經常定時約會一些好久不見的朋友, 真有點不好意思.

祝我的朋友2006年開心快樂和身體健康. Keep in Touch!