雷雨

兩日好天之後又成個禮拜落狗屎, 令人苦悶非常! 重要黎個八號風神添, 死未? 期望下星期太陽伯伯病情轉好, 等我可以Swimming啦!

師兄劉浩龍終於推出新專輯, 誠意推介“火花不等人”. 好有意思!

躺一躺

到達盲點的時候, 是否應該停一停想一想下一步怎去處理? 突如其來的事件近期不斷發生, 我已經不想再為這些事情而頭痛, 是時候讓自己逃避片刻. 我也需要為自己打算一下. 以前不斷去追尋, 現在倒不如給自己休息一會再衝刺. 老了? Maybe... 不過肯定自己再這樣下去一定會倒下!

Happy Girl

都算重有D良心, 終於都肯嫁人! 都撈咗咁多年, 搵咗唔少油水, 成三十幾歲人, 都係時候啦! 話時話, 佢其實真係好幸運同幸福既一個女人, 一出道就紅, 人又靚, 身材又好, 加上屋企又有錢, 重有一個咁門當戶對既男朋友肯等佢咁耐. 不過我覺得佢條仔就重幸福, 可以晚晚玩長腳蟹! 諗起都覺得開心! 希望佢永遠都開開心心同幸福快樂, 演活一個真真正正既Happy Girl. 放心去結婚同生仔啦! 不過當妳條腿走晒樣時候, 就唔好再周圍出席公開活動啦! 留番少少美好既回憶比大家, 知道無?

P.S. 我一定會買妳收皮前既精選碟架, 果一百幾十當送畀妳做嫁妝啦!

傾心

除咗i-phone 3G之外, 呢部C905亦令我有久違咗好耐, 有一見傾心既手機. 3.5G, 2.4"Mon, 810萬像素自動對焦相機同Cool爆外形既情況下, 睇怕佢唔過$5000我都會爽住即刻要帶佢返屋企. 810萬個期待! 開始要諗下買黑色定銀色... 睇Forum既時候, 有網友話佢個樣有D似6280, 反而我覺得佢更似一部Sony既T系DC. I Love It!

獻世

如果我同陳慧琳好熟的話? 應該即刻叫佢宣佈退出! 仆佢個街, 睇完佢琴晚個演唱會, 簡直係最差演唱會既代名詞. 唔怪得用個咁爛既名"Love Fighters"啦!

成個演唱會既歌有9成同之前果個係一模一樣, 編曲又差唔多. 串燒快歌果Part重要係無改過, 你話死唔死! 舞又跳得唔勁, 歌又唱得唔好, 舞台同音響直頭係差添! 得罪講句, 做咗十幾年Artist都接受到自己係咁既質素, 相信自我要求都應該唔會高得去邊! 咪話我講野刻薄, 重唔係而家重有人支持既時候宣佈收山, 到發現條腿有橙皮紋既時候就遲啦!

一了百了

今日一早就同阿哥入咗沙田同老豆飲茶慶祝父親節. 送咗個一早預備好既Bally銀包畀佢, 感覺佢好似唔係好鍾意? 是但啦, 反正佢除咗現金之外乜都唔大興趣!

而今晚既活動就係去睇紅館休館前最後一個演唱會-陳慧琳“Love Fighters演唱會08”, 睇報導個Rundown既歌其實同之前既演唱會有9成相似. 都唔知佢想點? 連“有時寂寞”都唔唱, 可能佢一早預咗隻新碟會仆直, 新歌無人識啦! 建議佢都係早D收山為妙, 反正人氣已經大不如前, 佢都R咗我唔少金錢同時間, 而條佬又搵到下. 大方D學人退下火線做少奶奶啦! 不過收皮之前, 我都好想佢係今晚唱佢算近年我幾鍾意既一首歌“Happy Girl”畀佢Daddy聽, 適逢今晚又係父親節, 聽聞佢話呢首歌係度身訂造畀佢老豆. 當臨Bye前派番少少利息過我, 話晒成$480一張飛, 唔係唔唱呀?

如無意外, 今年既大計都無乜機會達成. 都係過多幾年先諗呢樣野, 反正對我黎講投資性質重多過自住. 可以Resume繼續享受人生至上! 諗諗下, 呢種投資反而加重我既壓力, 都係等人工高D, 份工再穩定D先再去考慮過大投資既Project!

雨後陽光

落咗成十幾日雨, 聽天氣預告話下個星期會陽光普照. 係真既話, 咁我就可以約三五知己舉行今年既下水禮, 諗起都Yeah Yeah Yeah呀!

唔知係唔係天氣差既關係令到心情都唔好? 不過近日已好轉咗好多, 可能係瘋狂洗錢治療法既成果. 真係唔到你唔信!

重有唔夠一個月又起程去日本朝拜, 諗起都覺得今年好變態. 一年之內去三次, 打破咗自己既紀錄! 不過今次就比較有意思, 第一次同婆婆去旅行, 出乎意料既係估佢唔到咁朝要去東京. 有理由相信怒Shopping果個會係年過八十既婆婆, 十分期待!

無愁無怨

原來亂食野有助身心發展平衡, 唔怪得我一直都咁瘦~ 奉勸各位減肥既朋友立即停止禁食!

垃圾食物吸引人既地方真係多到數之不盡, 以勁辣魚蛋為例 - 一食就停不了, 越辣越要繼續食落去, 越食越辣既時候就好想飲一D有氣既飲品! 好似我今晚食完飯之後就買咗廿蚊勁辣魚蛋一路行一路食... 未食完一半就即刻要向可樂求救... 食晒之後個口重未完全Recover辣味既時候就好想食甜野中和一下無咗第六感既味蕾... 所以幫襯完滿記先肯打道回府! 今晚我勁滿足, 原來食野有咁多好處~ Yeah!