很想和你在一起

睇完套戲更加發覺"很想和你在一起"呢首歌好好聽! 其實套戲都幾好睇... 幾新鮮... 故事同演員都有Surprise... 首歌完全係為套戲度身訂做, 3分幾鍾就將套戲既主旨唱晒出黎, 勁!

越黎越欣賞洪卓立, 係佢出道無耐已經同佢做過一個Shop Opening Event, 當時既佢真係好聽話同好勤力. 同佢講咗少少個牌子既野, 佢已經可以將D重點講比記者知. 如果佢再紅D, 有機會我都想再同佢做Event. 其實我都覺得佢個人都幾聰明... 係呢行都應該會吃得開, 如果去台灣發展應該會有更好既成績. 始終香港唔係太Buy佢呢種男生...

無言無語

近期打開Facebook, 先發覺身邊好多朋友都已經結咗婚, 有D重做咗爸爸同媽媽添! 畢業只不過6年多, 朋友既生活已經轉變好大. 諗番起以前讀書既點滴, 好似只係上星期發生一樣. 真係唔可以唔認老!

其實活到呢一刻, 我都未真正明白生存既意義係乜野? 好深奧! 從前只為工作而奮鬥, 現在反而覺得錯過很多很多! 平衡真係好難, 要取捨亦唔係一件易事. 我諗呢個係都市病, 大部份活在都市既人都Suffer緊! 期望自己三十歲前可以領悟多D自己既生存意義~

天下有情人

雖然今年經濟非常之不景氣, 不過我相信今年一定係非常之適宜結婚既一年. 差唔多個個月都要去飲, 有幾個月份重要多過一個添! 我寧願出門避一避, 好過比紅色炸彈炸死...

時間唔經唔覺咁流逝, 所有身邊既朋友都已經步入適婚既年紀. 我自己都唔例外... 不過可以好肯定心態就一D都重未Ready! 一來還未遇到一個合適既對象, 二來自己重有好多事還未做到... 都係唔好諗咁多, 多D出去識多幾個新朋友重實際!

P.S. 重未通知我今年會結婚既朋友, 麻煩唔好請我出席任何婚宴, 我已經飽晒啦... 唔該!

爛瞓

Jimmy 1996 - 2009

真係好突然... Jimmy係無聲無息下離開咗! 希望佢係離開既時候沒有痛楚, 而去到極樂淨土可以重見光明, 亦可以同Buby重逢!

Jimmy令我學會珍惜, 因為有時經常係身邊出現既人同事, 亦都可以係無聲無息下消失. 習慣咗並不等於理所當然, 當失去既一天才發現就真係太遲了.

P.S. Jimmy, 唔好再成日掛住瞓覺啦, 同Buby玩多D呀!

滑浪

金融海嘯攪到好多人無咗份工, 自己都算好好運, 起碼重有份工做. 不過有辣有唔辣, 個人認為守寡同守生寡係一模一樣. 個天可唔可以畀D指示我呀? 咁既生活重要到幾時? 除咗想陽光與海灘之外, 我重想試下係金融海潚下滑滑浪. 好似好瘋狂, But I Really Want to Try...

如果繼續無乜Jobs做, 我真係想清下D大假, 畀自己個腦清醒下, 諗下自己條路究竟要點行先至可以順D... I Need A Break, I Need Fresh Air...

富士山下

話咁快就過完年同去完旅行, 放咗9日假之後居然要連續返12日工. 一返到香港就零私人時間, 呢種生活重要維持幾耐?

今次去東京睇富士山真係好開心, 搭晒日本所有既交通工具, 而D路比我想像中易搵好多. 日本地圖其實真係唔算複雜, 至少比澳洲好. 不過箱根D溫泉水就真係一般, 比較失望. 係東京瘋狂Shopping, 洗咗成2萬蚊, 除咗袋買唔到之外, 乜都買晒. 好肯定自己精神壓力真係好大!

一踏入牛年, 已經有3件開心事, 第一係親眼見到富士山, 真係好靚. 不過好可惜太大雪上唔到山; 第二係可以近距離見到第十七世大寶法王, 其實感覺佢同普通人無乜分別, 不過就幾靚仔; 第三係我阿哥終於結婚, 雖然佢完全無計劃, 但係都好開心. 其實係咪自己諗得太多, 想得太遠? 有時一個人太有主見同計劃反而更一事無成呢? 真係好想畀自己休息下, 諗下自己既人生大計同方向...

自我安慰

經歷咗有史以來最變態既大陸銀行迎春酒會Event之後, 感覺簡直係如釋重負! 煎熬咗成個月, 糟蹋咗我美好既聖誕節同除夕夜. 令我覺得2009年一定係由1月9日先正式開始! 原本諗住今晚可以瘋狂咁玩下減下壓, 點知1個玩伴都搵唔到. 真係灰到爆, 開始發覺自己原來無朋友! 加上呢期Shopping慾又大減, 幾次出街想買野都空手而回, 感覺非常之唔爽! 唯有自我安慰, 向好方面諗, 當Event過後畀自己係屋企休息下啦!

熱切期待大年初一出發既年度旅行~ 上網搵下D有用資料先…

呼吸

近期好似失去了人的基本需要. 我諗過咗1月8號要比自己放鬆下!工作只是人生的一部份, 2009年, 我要追回遺忘咗既基本需要!

Target今年要衝出亞洲, 到更遠既地方見識下. 擴大自己既人際網絡, 夏天要做多D運動. 等經濟好轉就唔可以再比呢間鬼公司折磨落去, 一定要同肥肉講Bye Bye~