無言無語

近期打開Facebook, 先發覺身邊好多朋友都已經結咗婚, 有D重做咗爸爸同媽媽添! 畢業只不過6年多, 朋友既生活已經轉變好大. 諗番起以前讀書既點滴, 好似只係上星期發生一樣. 真係唔可以唔認老!

其實活到呢一刻, 我都未真正明白生存既意義係乜野? 好深奧! 從前只為工作而奮鬥, 現在反而覺得錯過很多很多! 平衡真係好難, 要取捨亦唔係一件易事. 我諗呢個係都市病, 大部份活在都市既人都Suffer緊! 期望自己三十歲前可以領悟多D自己既生存意義~

天下有情人

雖然今年經濟非常之不景氣, 不過我相信今年一定係非常之適宜結婚既一年. 差唔多個個月都要去飲, 有幾個月份重要多過一個添! 我寧願出門避一避, 好過比紅色炸彈炸死...

時間唔經唔覺咁流逝, 所有身邊既朋友都已經步入適婚既年紀. 我自己都唔例外... 不過可以好肯定心態就一D都重未Ready! 一來還未遇到一個合適既對象, 二來自己重有好多事還未做到... 都係唔好諗咁多, 多D出去識多幾個新朋友重實際!

P.S. 重未通知我今年會結婚既朋友, 麻煩唔好請我出席任何婚宴, 我已經飽晒啦... 唔該!

爛瞓

Jimmy 1996 - 2009

真係好突然... Jimmy係無聲無息下離開咗! 希望佢係離開既時候沒有痛楚, 而去到極樂淨土可以重見光明, 亦可以同Buby重逢!

Jimmy令我學會珍惜, 因為有時經常係身邊出現既人同事, 亦都可以係無聲無息下消失. 習慣咗並不等於理所當然, 當失去既一天才發現就真係太遲了.

P.S. Jimmy, 唔好再成日掛住瞓覺啦, 同Buby玩多D呀!

滑浪

金融海嘯攪到好多人無咗份工, 自己都算好好運, 起碼重有份工做. 不過有辣有唔辣, 個人認為守寡同守生寡係一模一樣. 個天可唔可以畀D指示我呀? 咁既生活重要到幾時? 除咗想陽光與海灘之外, 我重想試下係金融海潚下滑滑浪. 好似好瘋狂, But I Really Want to Try...

如果繼續無乜Jobs做, 我真係想清下D大假, 畀自己個腦清醒下, 諗下自己條路究竟要點行先至可以順D... I Need A Break, I Need Fresh Air...

富士山下

話咁快就過完年同去完旅行, 放咗9日假之後居然要連續返12日工. 一返到香港就零私人時間, 呢種生活重要維持幾耐?

今次去東京睇富士山真係好開心, 搭晒日本所有既交通工具, 而D路比我想像中易搵好多. 日本地圖其實真係唔算複雜, 至少比澳洲好. 不過箱根D溫泉水就真係一般, 比較失望. 係東京瘋狂Shopping, 洗咗成2萬蚊, 除咗袋買唔到之外, 乜都買晒. 好肯定自己精神壓力真係好大!

一踏入牛年, 已經有3件開心事, 第一係親眼見到富士山, 真係好靚. 不過好可惜太大雪上唔到山; 第二係可以近距離見到第十七世大寶法王, 其實感覺佢同普通人無乜分別, 不過就幾靚仔; 第三係我阿哥終於結婚, 雖然佢完全無計劃, 但係都好開心. 其實係咪自己諗得太多, 想得太遠? 有時一個人太有主見同計劃反而更一事無成呢? 真係好想畀自己休息下, 諗下自己既人生大計同方向...

自我安慰

經歷咗有史以來最變態既大陸銀行迎春酒會Event之後, 感覺簡直係如釋重負! 煎熬咗成個月, 糟蹋咗我美好既聖誕節同除夕夜. 令我覺得2009年一定係由1月9日先正式開始! 原本諗住今晚可以瘋狂咁玩下減下壓, 點知1個玩伴都搵唔到. 真係灰到爆, 開始發覺自己原來無朋友! 加上呢期Shopping慾又大減, 幾次出街想買野都空手而回, 感覺非常之唔爽! 唯有自我安慰, 向好方面諗, 當Event過後畀自己係屋企休息下啦!

熱切期待大年初一出發既年度旅行~ 上網搵下D有用資料先…

呼吸

近期好似失去了人的基本需要. 我諗過咗1月8號要比自己放鬆下!工作只是人生的一部份, 2009年, 我要追回遺忘咗既基本需要!

Target今年要衝出亞洲, 到更遠既地方見識下. 擴大自己既人際網絡, 夏天要做多D運動. 等經濟好轉就唔可以再比呢間鬼公司折磨落去, 一定要同肥肉講Bye Bye~

飯島愛世界

一代經典AV鼻祖飯島 愛陳屍香閨. 本人真係非常嘆息愛姐, 佢短暫既一生自強不息, 屢敗屢試, 屢試屢敗. 有理由相信佢有1/8或1/12既香港人血統… 愛姐教識我地既唔止係佢傳神既身體語言, 更有佢對工作充滿感情既一份敬業樂業精神. 正所謂職業無分貴賤, 行行出狀元. 大家都應該敬鼻祖愛姐一杯Drink. 安息啦, 愛姐, 我會掛念妳…

蠻不講理

終於相信錢絕對係可以改變一切. 我認為從今開始真係要帶眼看清楚身邊的一切, 以免再有同類事件發生! 我Hand Off並不等於File Closed, 雖然呢度唔係法庭, 不過一視同仁, 所以判官都需要受到制裁. 原來好戲而家先正式開始…

時光機

我都想要一部時光機, 回到快樂的童年去. 唔係而家唔快樂, 只是總覺得新不如舊. 以前每個禮拜都好期待星期六可以返屋企, 玩下星矢同打下紅白機已經開心大半日. 好容易就滿足! 反而而家經常得一就想二, 吃到了甜的葡萄便想吃更甜的. 有人話不貪便是平庸? 我又唔見得貪的人有幾不平庸!