痛

從未試過瞓瞓下可以痛到醒咗. 又話食晒D藥應該就會無咁痛, 一日痛過一日呀! 我覺得呢個牙醫十居其九係無牌經營就真! 乜Q野香港大學牙科榮譽學士, 食屎啦, 個Degree一定係買番黎! 2隻智慧齒都攪唔掂, 點繼續做落去? 真係火都黎呀, 要我痛足成個禮拜, 呢個牙醫無醫德呀!

大熱

呢兩日心情已經非常差, 加上酷熱天氣既影響下, 裝滿火藥既我隨時都會爆炸! 點解條街會熱成咁? 點解香港唔興建地下街? 點解重會有無冷氣既巴士? 點解D行街Sales重可以著住套老西係條街度四圍走? 點解我星期一到五都要係中環? 點解一滴涼風都感覺唔到? 點解陽光與海灘離我咁遠? 點解世界未日唔係今日? 呢D咁既天氣簡直係想攞人命, 香港已經唔再適合人類居住, 唔該香港快D陸沉. 我要去不丹尋找快樂, 我要我既快樂指數長期高企80個百分點!

醜得漂亮

琴晚約咗幾個好耐無見既小學同學出黎食飯, 佢地異口同聲話無人認得我, 問我係邊位咁話. 可能係我半邊面腫咗所以無人認得我啦? 反而我見到佢地已經認得晒, 不過話時話我又真係變咗好多, 唔認得我都無可口非. 畢竟我既高度今時不同往日, 以前要抬高頭望人, 而家山水有相逢. 認得都扮唔認得啦! 呢番話雞爺就應該最有同感, 係唔係?

脫完智慧齒之後, 我而家半邊面真係痛到飛天, 邊個可以黎呵番我? 呢個需要咁大勇氣既行為, 我覺得應該值得加許! 照足醫生指示食止痛藥都無補於事, 睇怕今個禮拜所有活動都要被逼取消. 加上條街重要熱成咁, 行多兩步都差D中暑咁滯! 真係好想陽光與海灘呀, 有無人有興趣8月中去海灘玩? 一Round氣水我請!

彌敦道

最近經常聽到呢首歌, 重發現好多女仔都好鍾意呢首歌添! 其實彌敦道都幾長下, 由尖沙咀一直落到去太子. 重記得以前無咁熱既時候經常由尖沙咀行落旺角, 不過而家頂唔順啦! 事關香港熱咗好多, 而我自己都老咗好多.

星期五晚去咗彌敦道一間牙科醫務所做咗兩隻智慧齒手術, 攪到而家變咗豬頭. 鬼叫我咁有智慧, 重要做多一次呢種手術呀! 今日完全無晒心機同人生樂趣, 事關唔係好食到野, 又痛到要食止痛藥先瞓到. 真係牙痛慘過大病呀, 睇黎呢個星期都灰過蛇, 希望到星期一就唔痛啦!

火花不等人

時間過得實在太快! 沒完沒了的工作令我錯過了很多, 但亦令我獲益良多, 心血沒有白費. 這一個月是工作以來最輕鬆的, 令我有時間思考, 才發現自己還停留於空洞洞的空間裡頭, 醒悟到時間永不會為我停止半秒. 胡思亂想及不切實際的思想早已飄到很遠, 現在的計算人生更令我心跳呼吸失常. 率性的我是時候重出生天, 尋找真正的開心, 向藍天與白雲出發!

戰無不勝

近期怒玩Facebook既一個低能Game-古惑仔Online, 乜"走水貨返大陸"同"幫財務公司收數", 本人覺得真係好白痴. 不過又覺得好攪笑, 唔知點解可以吸引咁多人去玩. 可能香港人真係太大壓力而又無處發洩, 所以呢個所謂既Game就好似GTA咁紅起咗!

第五個現代化

星期五睇咗The Dark Knight, 覺得係Batman系列最有意思既一集. 特別係Joker, 每次當佢出現既時候Background都會有同佢一樣令人心寒既配樂. 一個字形容–正! 不過真係覺得好可惜呢一套竟然係佢既遺作, 實在係電影界一大遺憾!

終於忍唔住買咗i-Phone 3G. 玩咗2日, 發覺佢只係比i-pod Touch多咗個電話,短訊同相機功能. 唯有當簽咗2年流動上網合約啦! 我唔會當i-Phone係電話, 佢只係一部集Mp3同流動上網於一身既隨身Device. 大家唔洗咁急買住, 等下都唔遲!

黑蝙蝠中隊

Why So Serious... 今晚我要一路食蘋果, 一路睇斷背小丑. Why So Serious... 哈Ha哈Ha哈Ha...

理智與感情

一切隨風而消散. 多謝妳對我的好, 說穿了全因為妳太自私. 就讓妳的幸福造就我尋找幸福的理由. 望如妳所願, 我應該做得到!

空前絕後

自從琴日係先達見到妳, 已經深深的將妳愛上. 更想將妳帶返屋企... 我就黎忍唔住要即刻為妳做D野架啦... 唔得, 唔可以咁, 我要忍住對妳既呢份衝動. 因為我深信我對妳既呢份感覺最少會維持一年, 妳快D市值低過七千啦. 如果唔係妳就唔可以同我一齊一年架啦! 白色16GB版i-Phone 3G, 我愛妳呀~ 不過要求係低過七千銀同唔會用Fucking 3台, 妳自己諗諗啦!

東京百貨

日本七月大激安, 我個荷包就大出血! 原本今次東京之行打算Site Seeing, 點知兩老鍾意Window Shopping重多過乜. 攪到我唔見咗成五位數! 最開心係去返Final Home遇番上次個女Sales, 佢第一眼就認得我重送咗條皮帶畀我. 又買番上次無買既一條褲, 開心到不得了!

今次真係買到好多心頭好, 好似期待已久Head Porter既i-pod Touch專用Case同大量下身Items. 見到周圍都大減價, 幾忍得手都係假. 特別係D名牌子, 減到四折都有, 所以我專攻Made In Japan先至落手, 攪到幾乎流血不止. 故此今季正式宣佈Out晒Budget, 起碼要十月先可以再買衫. 各魔鬼Please Leave Me Alone!

他約我去迪士尼

應該叫我約他們去迪士尼先啱! 真係好耐都無試過同公公婆婆一齊去樂園式既地方. 記得好細個既時候, 公公會成日同我去海洋公園同玩具店. 話咁快就過咗廿幾年光景啦! 很難得今次同佢地去東京, 重可以帶佢地去日本迪士尼樂園行一轉. 希望不久將來會再有機會同佢地一齊去旅行啦!