低等動物

開始明白點解有人話好多呢行既人係唔想做好件事, 成日無野搵野黎講啦! 就以嗰條肥到好似就黎生得既不知所謂八婆PR已經係一個活生生既例子, 又無料又要扮晒野. 我唔會再同佢客氣, 等我諗諗計仔玩返佢轉頭先!

活躍症

今日屋企多咗個新成員, 佢係一個好聰明, 動作好敏捷, 又靚仔可愛既男孩子. 佢返屋企就不停咁跑, 不停咁撞. 佢一見到Jimmy就即刻走過去扮Friend, 不過Jimmy見佢唔到, 就好怕羞咁走開咗, 好似完全唔想同佢玩咁. 好耐無見過呢種場面啦! 其實我不嬲都好鍾意Poodle呢種狗仔, 今日見到佢可以話係一種緣份, 出門口既時候都無諗過會行Pet Shop, 去到睇睇下先覺得同佢好似一見如故咁, 有一種好親切既感覺. 都無去第二間睇就決定帶佢返屋企啦! 而家重未同佢改名, 大家有無好提議先?

要來便來

機會只會留比有預備的人, 我諗呢一刻應該要不斷裝備自己去迎接將來. 唔好諗咁多不切實際的!

沙堡壘

玩咗一個算命遊戲, 我是城堡類型人. 大致上係話我係不同崗位都扮演一個重要角色, 不過身邊既人都唔當係乜野一回事. 一但當我離開或消失咗既時候佢地先至會發覺我既重要性... 我覺得呢個分析好攪笑, 因為所有人都會覺得自己或某些人好重要架啦, 失去咗就更加唔洗講啦! 不過呢個Test有幾方面我都覺得講得幾啱! 其實活到呢一刻我都好清楚自己係一個點樣既人, 城堡真係點都稱不上, 所以我只會繼續扮演沙堡壘角色. 我個人比較喜歡順其自然, 沒有太大既衝擊都唔想刻意去改變自己, 深信時間會漸漸令我化, 不論同化或看化都只是時間問題. 呢一刻我只想繼續去建築我呢個小小既沙堡壘...

漂流教室

唔經唔覺已經做咗野5年, 由初初反應慢半拍到而家既乜都即刻要. 都唔知係唔係一件好事? 可能與自己既成長背景有關, 由細到大想要得到的都唔需要付出好大努力已可得到. 導致我每遇困難都會好困擾及唔開心! 呢一種感覺係自信心不足定話係想逃避既心態? 我自己都唔係太清楚? 其實自己有時真係太執著, 真係要好好咁去學習一下點樣去放鬆! 消化一下呢句說話"一天的事, 一天的當". 所以從今天開始, 每天的零時零分, 都要把所有的不快全部忘掉.

浮誇

終於打爆咗Devil May Cry 4, 佢真係好好玩! 就係鍾意佢D動作夠誇張同離譜! 難度唔算太高, 不過要儲晒D技能就需要花很長時間. 我玩玩下都費事儲啦! 爆咗機之後有少少失落既感覺, 到而家玩既"人中之龍"都無乜心機, 我諗我都唔會有心機打爆佢架. 期待Final Fantasy XIII快D出啦!

大開眼界

嘩! 真係唔知Old Friend邊句真? 邊句假? 成件事佢真係好似唔知情咁款, 不過固中內情佢應該都唔太好受. 怪就要怪唔係個個都可以接受同火星人相處! 而家唔係睇緊龍珠, 無乜幾個悟空可以成為地球既救世主! 我諗真相好快就會水落石出, 重有大半個月. Come On, Come To Watch My Old Friend... 等我霸定頭位睇好戲先!

第一次

今日一早就去咗睇跌打, 個醫師真係好Nice. 同佢傾咗一陣先知道佢原來之前移民Sydney都係Chinatown開咗間跌打診所! 佢重係咁問我係唔係踢波攪成咁? 其實我都唔知自己點解同點樣整親? 話時話, 咁大個仔真係未睇過跌打, 今次係第一次!

之後去咗同老媽子換咗部W890i. 我話呢部電話好襯佢, 不過我估佢其實唔係太鍾意. 因為佢係咁叫我自己用, 佢用我部N81! 其實我真係幾鍾意W890i, 之不過我唔想咁快又換電話. 或者遲D佢想換電話我先同佢交換部W890i啦! 而家開始要儲多D錢, 盡快實現我既大計先得!