鞋呀! 鞋

今日買咗對之前係日本睇中咗既Camper鞋. 呢Pair朋友真係有心, 聽咗一個咁貴既電話都抵! 一出糧會即刻過番錢比你架啦, 放心!

願我可以學會放低你

最理想的快樂就是當快樂並不是理想... 從今開始不再對別人有期望就唔會令自己失望啦! 在適當時候, 應該要放低所有不快事. 今年我要一個新開始, 所有事情都要有轉變! 一定要做到!

假天真

近期成日聽到既呢個Term"天真". 可能鍾小姐D戲實在太差, 博取唔到廣大市民既同情心不特止, 重要將呢個Term好似福音一樣咁四圍傳, 基本上同D相一樣去到邊都聽得到睇得見! 希希今年真係最出位既新聞王, 呢個Finishing真係Fit晒佢!

鼠年第一隻買既CD係吳浩康既Reality Co, Ltd. 真係唔錯, 特別推介"望鏡"同"給愛惜的人". 前者感覺新鮮, 後者好有意義, 係送畀佢過咗身既媽咪. 其實都係因為呢個原因先會支持呢隻碟! 隻碟既Concept係講辦公室政治, 都有D共鳴. 其實自己真係幾討厭呢種鬥爭, 永遠都係無中生有. 我只係想每日開心返工, 開心放工, 唔通都有錯? 可能錯就錯在自己諗得太過天真! 我都想成為大懶堂既其中一位主角!

很忙

唔知係自己放完假之後重未適應忙碌生活定係真係咁多野做? 之前既七日假期果種Mood唔夠三日已經完全無晒, 真係有無攪錯! 睇黎今年都唔會係舒適既一年, 希望過咗個三月會好D啦! 我都想Fast Forward咗個三月呀, 可以嗎?

奇妙旅程

呢次旅行又係日本, 不過去咗關西, 一個我從未踏足過既地方. 基本上以大阪做Base, 再去神戶同京都. 行程次序第一日落機就係梅日食晚餐同行街, 之後果幾日就去神戶, 京都, 環球片場, 有馬, 大阪城, 難波同心齋橋... 最後一日就去咗黑門市場食一個超貴既魚生早餐再臨別秋波血拚梅田一個回合, 各團友才先肯起程返香港. 真係覺得呢個喪玩喪食喪買團D時間過得好快!

今次Trip個人比較喜歡京都, 無論食同玩都覺得係最好. 好掛住茶寮都路里既綠茶烏冬, 超級好食! 而清水寺都好值得再去多一次, 真係好想係櫻花盛開既時候去添, 相信一定會勁浪漫! 至於赤十字社當然係以大阪最多分站, 基本上可以日日捐, 晚晚捐都Welcome! 好彩今次買既野貴精不貴多, 滿意度8分! 重有不得不提既就係難波既老字號咖哩飯店自由軒, 一定要試, 看板娘Nice到無可再Nice. 我同佢影相佢重勁開心添呀! 至於美中不足既就係Universal Studio玩唔到新開既過山車, 事關遇上冰雨既關係, 大殺風景! 好彩老天爺係第二日比我感受下係落住雪既情況下享受有馬既溫泉之樂. 此乃人生一大快事!

其實我不嬲都好Enjoy同一家人去旅行既感覺, 個Feel真係好到不得了! 今次重加入咗家姐呢位新團友, 印象中好似從未試過同佢一齊去旅行. 感覺比我預期中好好多, 呢次真係一個非常難忘既回憶. 希望係2009年再有機會去一家人遊歷一番!

後記: 日本真係一個深明包裝重要性既國家, 每一樣野都可以令人有購買同擁有既衝動. 所以真係好擔心, 完全唔敢想像參加魔鬼喪買團去日本既後果, 好有可能要將隻錶放係二叔公度一年半載呢~

照相本子

農曆年七日既京阪神之旅好快就完咗啦! 今次係自己一手一腳In Charge行程, 一個我從未踏足過既地方, 真係一個非常之難忘既開心體驗!

老鼠愛大米

恭喜發財, 美源髮采恭祝大家發財...

新一年, 新開始. 今年所有人都財源廣進, 身體健康同心想事成. 恭喜, 恭喜!!

好心好報？

一樣米養百樣人, 心理變態既人通街都係. 有時成日同你稱兄道弟既人先可能係最信唔過, 真係覺得做好人無好報! 將心比己呢一套而家真係Out晒, 以後對人都係要小心D先得. 包括有D所謂既親人, 反起面上黎真係幾賤都得. 又上一課啦!

自尋煩惱

真係唔要再做甚麼雞仔媒人, 自己一D得益都無, 換來一肚氣都不特止, 重要比人話自己辦事不力. 真係好Feel到何謂吃力不討好! 何苦要再自找麻煩, 所以在此告訴大家, 我從鼠年開始, 就不會再幫別人購買任何演唱會門票! 特此聲明, 多謝合作!

怕冷

呢個星期真係好凍呢! 每朝早都好唔想起身, 直頭係刷牙洗臉都唔想呀! 好似香港好耐都無試過凍成咁, 呢次重要係咁長時間添, 有無咁反常呀?

重有三個工作天就開始我既長假期啦, 心情非常之興奮. 希望呢幾日唔好有D乜野意外發生啦, 不過就算有, 我都幫唔到D咩手, 事關我的心就要飛了! 鼠年先再衝刺過, 一於係咁話啦!