Lucky Star

睇咗無諗過會睇既Starlight容祖兒演唱會, 佢既唱功真係進步咗好多. 還記得好幾年前睇過佢既Showup演唱會, 覺得佢既演唱會都幾悶. 今次呢個Starlight都算唔上好好睇, 不過真係有驚喜!

基本上Joey既歌我大部份都好熟, 由初出道既未知到最新既Lucky Star我都有買. Feel到佢真係不斷咁進步同轉變! 今次演唱會見到佢流淚, 我就好自然望去Panel果邊, 見到佢媽咪真係同佢一齊哭. 呢一幕我覺得佢媽咪一定百般滋味在心頭! 容祖兒有今日既成就, 大家都有目共睹. 而作為佢至親既媽咪除咗開心同驕傲外, 當中會唔會有更深既體會? 真係好想知道. 相信呢兩母女真係好好感情, 有好多值得去參考既地方. 容祖兒有今日既成就除咗佢既努力同堅持之外, 佢媽咪係背後為佢付出既相信都不少! 容祖兒真係一個好幸運既人, 因為佢有一個同甘共苦既好媽媽!

陽光宅男

剛剛Download咗期待已久既Devil May Cry 4 Trial Demo, 畫面非常之靚加上動作又流暢, 超爆好玩! Xbox360版果個Controller根本無得同PS3比, 一定要買PS3版! 好耐無試過咁期待一隻Game啦! 已經等唔切係日本買, 真係忍唔住啦, 呢個月尾即刻要~

毛衣

今日係Elements既Pringle of Scotland入咗一件Cashmere毛衣, 不過都真係唔平, Staff Discount咗都要成二千多元! 好肉痛, 不過都好過買手提電話. 所以今年要Target二千元利事錢, 一定要回本! 話時話, 近期真係買多咗毛衣, 計一計都有三件咁多. 以前好憎呢類服飾, 唔知點解而家自己又幾Ok! 可能知道自己開始老餅啦, 要打扮成熟一點, 唔可以成日都咁花靚仔. 現實真係好殘酷呀!

彩虹

看見彩虹的人, 相信應該經歷過下雨天... 看見Double Rainbows的人, 總必須要經歷過雨天及碰上一點點運氣! 咁人究竟希望一生都不要看見彩虹還是選擇不去看? 我想我應該希望有生之年可以看看世界上每一樣東西及經歷人生的高低起落, 這才算是不後悔的完整人生!

聽身體唱歌

每日返工都要聽住歌先安樂, 每晚瞓覺都要有歌聲伴我入睡先能安眠. 我的人生好像不能缺少音樂一樣, 它是我的精神食糧, No Music No Life! 以前讀U既時候, 有一科叫做Postmodernism, 果D Theories不斷咁將我洗腦又洗腦. 什麼什麼戴眼鏡同用手提電話已經令人變成似人非人既物體, 個Term叫Embodiment. 真係諗起都覺得驚! According To 呢個Term, 咁我日日聽住Mp3咁出街應該等於將自己變成音樂機器掛? iPod touch萬歲~

自作聰明

琴晚發生咗一件事, 令我覺得什麼警訊播咗咁多年係廢架, 保藥黨到今時今日都重生存到係因為香港有太多自作聰明既人啦! 從來Sales都係一個最唔可信既行業, 件Product好根本就唔需要Sell, 件Product唔好點Sell都無用. 不過呢個世界有太多好人鍾意幫一D連名都唔識既賊, 日日係度好心做壞事都唔緊要, 點解重要幫D賤人去拖屋企人落水? 同人講幾句就當朋友, 重要覺得人地一心幫自己. 次次都係咁, 唔用眼去睇嘢, 重要覺得自己好聰明! 我覺得人蠢其實唔緊要, 知道自己蠢都重有得救. 反而蠢人覺得自己聰明係罪呀! 係度不斷比機會D賤人增長, 唔怪得係電視成日聽到咁多人唱香港始終有你啦, 多晒!

我自問

琴晚食咗一整包Jumbo裝卡樂B薯片, 所以攪到還未完全康復既喉嚨又開始痛番! 人地話薯片好肥, 本人一D都唔覺, 反而會令人越黎越瘦就真. 因為薯片會令人病. 自問自己係一個都幾鍾意食零食既人, 不過好可惜個天對我太好. 要我與脂肪絕緣, 身體內好似有個黑洞咁, 食幾多佢就吸幾多. 前排都問過醫生點樣增肥, 之後佢反問我點樣減肥? 真係比佢吹漲! 佢話有得醫就唔會有咁多厭食症病人啦, 諗諗下真唔抵, 咁都無拉拉比個醫生入咗野, 灰過蛇! 決定下次見佢既時間串佢肥咗又靚咗先!

呢期無心戀戰, 個心已經好似一早去咗旅行咁, 而家只係淨低個肉體返工咁. 快D到年初三啦, 再遲D個肉身會開始發臭同腐爛變紫架啦!

寵物

唔經唔覺已經一個月, 遠方的您好嗎? 媽咪每次提起您都眼濕濕, 因為您既地位真係好難代替!

一生何求

上天真的對我不薄, 讓幸運帶令著我活到今天. 自問自己想要得到的, 所有都如願以償. 真的很感激曾經幫過我或給予我機會的人! 自問自己真的不算什麼, 外貌與內涵也不是太好. 不過我真的很快樂, 因為我曾經愛過亦被愛過, 再加上我有很多不斷支持與鼓勵我的好朋友. 所以更覺得以前的所謂唔開心只是很細微的小事! 可能以前既我對很多事情都抱有期望, 令到自己都好容易會唔開心. 係呢段期間裡面, 自己真係忘記咗好多基本既東西. 其實大家既需要都好簡單, 只要用平常心對待便可. 能夠找到一位可以接受及欣賞自己的人, 其實已經是莫大的幸福. 能不能夠相處已是後話! 希望你同我係不久既將來都會找到一位.

不是我的我不要

有很多事情, 不是想得到便可得到. 從錯誤中學習及成長, 為未來的未來作好準備. 與君一席話, 勝讀十年書. 好與不好都應照單全收, 我應該將眼光放遠些!

追

不停地追尋無窮無盡的欲望, 都總有一日要停下來. 活到今天的我, 是幸福的. 我想要的, 大部份都已經得到, 物質生活經已再不能給我滿足. 2008年的來臨, 是時間找回我的平凡美, 一個簡簡單單的切身需要! 有目標, 就要向前Go For.

目前

與病魔搏鬥差不多一星期時間, 明白到堅持同決心是很重要的. 多年來一直話要身體健康但每年年頭都病到死, 真係覺得自己好無用! 妳講得啱, 一個人都要對自己付責任. 要為將來作準備, 機會永遠都不給予預告! 所以今年我要為自己好好咁Planning一下, 要做個有方向既人, 有目標咁努力前進!

期待

今個Weekend係張床渡過, 近呢幾年年頭都會大病一場, 都唔知點解? 真係買六合彩都無咁好彩! 可能聖誕同除夕都玩得太癲所至, 呢D都可算係節日後遺症. 哈哈!

今個星期真係要預備定下個月旅行既事宜, 真係要好好咁Plan定個行程. 其實自己都未試過好有Planning咁去旅行, 今次係一個好機會! 希望自己既第一次唔會太差啦! 重有一個月時間, 真係諗起都已經好興奮!

話咁快已經踏入咗2008年啦, 時間過得實在太快, 今年我唔會再浪費時間係一D不必要既麻煩度. 事關人係應該向前看, 希望大家係2008年一齊進步!