富士山下

話咁快就過完年同去完旅行, 放咗9日假之後居然要連續返12日工. 一返到香港就零私人時間, 呢種生活重要維持幾耐?

今次去東京睇富士山真係好開心, 搭晒日本所有既交通工具, 而D路比我想像中易搵好多. 日本地圖其實真係唔算複雜, 至少比澳洲好. 不過箱根D溫泉水就真係一般, 比較失望. 係東京瘋狂Shopping, 洗咗成2萬蚊, 除咗袋買唔到之外, 乜都買晒. 好肯定自己精神壓力真係好大!

一踏入牛年, 已經有3件開心事, 第一係親眼見到富士山, 真係好靚. 不過好可惜太大雪上唔到山; 第二係可以近距離見到第十七世大寶法王, 其實感覺佢同普通人無乜分別, 不過就幾靚仔; 第三係我阿哥終於結婚, 雖然佢完全無計劃, 但係都好開心. 其實係咪自己諗得太多, 想得太遠? 有時一個人太有主見同計劃反而更一事無成呢? 真係好想畀自己休息下, 諗下自己既人生大計同方向...