不能說的秘密

經多位朋友推介引誘下, 終於睇咗"不能說的。秘密". 四個字:喜出望外! 周杰倫做番自己其實已經可以搬上銀幕. 穿越時空遇上妳夠浪漫, 加上老土到爆絕症女主角, 再配合周董起家拿手好戲. 觀眾無乜可能會唔受!

以戲論戲, 以周杰倫第一次自已編導演, 合格有餘. 配樂係成套電影既精髓, 拍攝手法帶幾分MV既味道, 故事尚算合情合理. 那一首"蒲公英的約定"配樂, 一聽立即愛上! 個人認為弦樂比試那一幕係電影高潮位, 那一個周杰倫一點都不做作, 才華橫溢. 可恨我兒時無心戀上鋼琴! "不能說的。秘密"比我預期高出多倍回報, 值得一睇!

題外話, 終於完成排山倒海式既Events啦! 可以Slow Down兩個多禮拜, 整理一下私人時間, 做番一D自己想做既事. 近期比較Update既事, 係買咗新電話 - Nokia既N81. 幾鍾意佢既外形, 合理價錢, 正!